రాష్ట్రీయం
డీఎస్‌పై వేటు?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 27: టీఆర్‌ఎస్ రాజ్యసభ సభ్యుడు డీ. శ్రీనివాస్‌పై వేటుకు రంగం సిద్ధమైంది. ఒకటి రెండు రోజుల్లో టీఆర్‌ఎస్ అధినేత కేసీఆర్ ఈ విషయంపై ప్రకటన చేసే అవకాశం ఉందని పార్టీ వర్గాల విశ్వసనీయ సమాచారం. డీఎస్‌పై క్రమశిక్షణా చర్యలకు రంగం సిద్ధం చేసాకే, ఆయనపై నిజామాబాద్ జిల్లాకు చెందిన ప్రజాప్రతినిధుల నుంచి ఫిర్యాదు తెప్పించుకున్నట్టు ఈ వర్గాల సమాచారం. డీఎస్‌పై చర్య తీసుకోవాలని కోరుతూ నిజామాబాద్ జిల్లా ప్రజాప్రతినిధులతో కలిసి ఎంపీ కవిత ప్రెస్‌మీట్ ఏర్పాటు చేయడం వరకు అంతా పార్టీ అధిష్టానం డైరెక్షన్‌లోనే జరిగినట్టు తెలిసింది. నిజామాబాద్ ఎంపీ, సిఎం కుమార్తె కవిత నేతృత్వంలోనే ప్రజాప్రతినిధులంతా సమావేశమై డీఎస్‌పై క్రమశిక్షణ తీసుకోవాలని కోరడం ఆయనపై చర్యకు రంగం సిద్ధమైందనడానికి సంకేతంగా పార్టీ వర్గాలు భావిస్తున్నాయి. పార్టీ కార్యకలాపాలకు డీఎస్ కొంతకాలం దూరంగా ఉండటం, కుమారుడు బీజేపీలో చేరడం, డీఎస్ ఇటీవల ఢిల్లీలో కాంగ్రెస్ ముఖ్యులతో సమావేశమైన సమాచారాన్ని పార్టీ అధినేత కేసీఆర్ తీవ్రంగా పరిగణించినట్టు తెలుస్తున్నది. డీఎస్ వ్యవహారంపై వారం రోజుల కిందటనే ఫామ్ హౌస్‌లో పార్టీ ముఖ్యులతో చర్చించినట్టు సమాచారం. డీఎస్ వ్యవహారంపై ఇంటెలిజెన్స్ వర్గాల సమాచారాన్ని పార్టీ ముఖ్యులకు సీఎం కేసీఆర్ వివరించి వారి అభిప్రాయాన్ని తీసుకున్నట్టు తెలిసింది. డీఎస్‌పై వేటుకే పార్టీ ముఖ్యులు మొగ్గు చూపిన తర్వాతనే నాటకీయంగా నిజామాబాద్ జిల్లా నేతల నుంచి ఫిర్యాదును తెప్పించుకున్నట్టు పార్టీ వర్గాల కథనం. డీఎస్‌పై వేటుకు నిర్ణయం తీసుకోవడం వల్లనే ఆయనకు సీఎం అపాయింట్‌మెంట్ ఇవ్వడానికి నిరాకరించినట్టు తెలిసింది. నిజామాబాద్‌లో పార్టీ ప్రజాప్రతినిధులు, నేతలు డిఎస్‌పై క్రమశిక్షణా చర్యకు ఏకగ్రీవంగా తీర్మానం చేసి పార్టీ అధినేత కేసీఆర్‌కు పంపిస్తున్నట్టు ప్రకటించిన విషయం తెలియగానే ఆయన హైదరాబాద్‌కు హటాహుటినా చేరుకున్నారు. తాను సీఎంను కలువాలనుకుంటున్నట్టు ముఖ్యమంత్రి కార్యాలయాన్ని సంప్రదించగా సాయంత్రం ఆరు గంటలకు అపాయింట్‌మెంట్ ఇచ్చినట్టు డీఎస్ మీడియాకు వెల్లడించారు. అయితే సాయంత్రం వరకు వేచి చూసినా సీఎంఓ నుంచి ఎలాంటి సమాచారం లేకపోవడంతో తిరిగి సంప్రదించగా సీఎం కేసీఆర్ బిజీగా ఉన్నారని, గురువారం ఉదయం విజయవాడ వెళ్లి తిరిగి వచ్చాక సమాచారం ఇస్తామని చెప్పినట్టు డీఎస్ మీడియాకు తెలిపారు.
ఇలా ఉండగా బుధవారం ఉదయం నుంచి సాయంత్రం వరకు చోటు చేసుకున్న పరిణామాలతో తనపై వేటు ఖాయమని డీఎస్ కూడా అంచన వేస్తున్నారు. అయినప్పటికీ సీఎంను కలిసి వివరణ ఇచ్చాకే తనపై ఏ చర్య తీసుకున్నా ఫర్వాలేదని చెప్పాలని ఆయన భావిస్తున్నారు.
దురదృష్టకరం: డీఎస్
పార్టీ వ్యతిరేక కార్యకలాపాలకు పాల్పడినట్టు తనపై వచ్చిన ఆరోపణలు దురదృష్టకరమని డీఎస్ వ్యాఖ్యానించారు. తాజా పరిణామాలపై హైదరాబాద్‌లో మీడియా ప్రతినిధులతో ఆయన చిట్‌చాట్‌గా మాట్లాడారు. సిఎం ఏ నిర్ణయం తీసుకున్నా సమ్మతమేనని స్పష్టం చేసారు. తన కుమారుడి నిర్ణయాలను తాను ఎలా నిలువరించగలుగుతానని ఆయన ప్రశ్నించారు. వ్యక్తిగత పనుల మీద ఢిల్లీకి వెళ్లాను తప్ప కాంగ్రెస్ పెద్దలను కలువడానికి కాదని ఆయన స్పష్టం చేసారు. ఢిల్లీలో తన క్వార్టర్‌ను రిపేరు చేయించుకుని తిరిగి వచ్చానేతప్ప అక్కడ కాంగ్రెస్ నేత ఆజాద్‌ను కలిసినట్టు జరుగుతున్న ప్రచారంలో వాస్తవం లేదని, పచ్చి అబద్దమని డీఎస్ ఖండించారు. ఏ పార్టీలోన్నా తన రాజకీయ జీవితంలో క్రమశిక్షణతో మెలిగానని, ఈ విషయంలో తాను ఎవరితో చెప్పించుకునే స్థితిలో లేనన్నారు. తనపై వచ్చిన ఆరోపణలపై సీఎం కేసీఆర్‌ను కలిసి వివరణ ఇచ్చాక తానే స్వయంగా టీఆర్‌ఎస్‌కు రాజీనామా చేయాలని డీఎస్ భావిస్తున్నట్టు తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.