రాష్ట్రీయం
ఆంధ్రకు ఇండోరమ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 23: ప్రపంచస్థాయి నగరలతో సమానంగా ఉన్నతస్థాయి ప్రమాణాలతో రాష్ట్ర రాజధాని అమరావతి నిర్మాణానికి బృహత్ ప్రణాళిక ఖరారు చేసామని, మహాయజ్ఞంలో అన్ని రంగాలకు చెందిన పారిశ్రామికవేత్తలు, సంస్థలు పెట్టుబడులు పెట్టేందుకు ముందుకురావాలని సిఎం చంద్రబాబు పిలుపునిచ్చారు. అమరావతి నిర్మాణం, ఆధునాతన పరిశ్రమల ఏర్పాటు, లక్షలాది యువతకు ఉద్యోగ, ఉపాధి అవకాశాల కల్పన లక్ష్యంగా ప్రపంచ ఎకనామిక్ ఫోరం సదస్సు జరుగుతున్న దావోస్‌లో ముఖ్యమంత్రి చంద్రబాబు శనివారం అనేకమంది పారిశ్రామికవేత్తలను కలుసుకున్నారు. పరిశ్రమల్లో పెట్టుబడులు పెట్టేందుకు వచ్చే పారిశ్రామికవేత్తలకు 21 రోజుల్లో అనుమతులు ఇస్తున్నట్టు చెప్పారు. దావోస్‌లో శనివారం చంద్రబాబు బిజీబిజీగా గడిపారు. భారత పరిశ్రమల సమాఖ్య డైరెక్టర్ జనరల్ చంద్రజిత్ బెనర్జీ, మెకెన్సీ గ్లోబల్ సిఇవో డొమినిక్ బార్టన్‌ను కలుసుకున్నారు. అమరావతికి పెట్టుబడులు తీసుకురావడమే కాకుండా ఉత్తమ ప్రాక్టీసెస్, సుపరిపాలన విధానాలను అందచేస్తామని డొమినిక్ బార్టన్ హామీ ఇచ్చారు.
500 మిలియన్ డాలర్ల పెట్టుబడులతో ఇండోరమ
పెట్రో కెమికల్ ఉత్పత్తులు, సింథటిక్ ప్లాస్టిక్ సీసాలు, సర్జికల్ గ్లోవ్స్ తయారీలో ప్రసిద్ధి చెందిన ఇండోరమ సింథటిక్ కంపెనీ ఆంధ్రలో 500 మిలియన్ డాలర్ల పెట్టుబడులు పెట్టేందుకు సంసిద్ధత వ్యక్తం చేసింది. కంపెనీ సిఇవో ప్రకాశ్ లోహియా చంద్రబాబుతో సమావేశమయ్యారు. ఏపీలో ప్లాంట్ ఏర్పాటుకు సానుకూల పరిస్థితులపై అధ్యయనానికి మార్చిలో ఒక బృందాన్ని పంపుతామని హామీ ఇచ్చారు. భారతీయ పరిశ్రమల సమాఖ్య డిజి చంద్రజిత్ బెనర్జీ మాట్లాడుతూ ఆటోమొబైల్ రంగంలో ఏపీని అభివృద్ధి చేస్తామన్నారు. వైద్య ఆరోగ్య పరికరాల ఉత్పత్తిలో పేరున్న మెడ్ ట్రానిక్ కంపెనీ సిఇవో మైఖేల్ కోయిల్‌తో చంద్రబాబు భేటీ అయ్యారు. గుండె జబ్బులకు సంబంధించిన పరికరాల తయారీ పరిశ్రమను ఏర్పాటు చేసే విషయమై పరిశీలిస్తామని మైఖేల్ హామీ ఇచ్చారు. రష్యాలో ఆర్బన్ వౌలిక సదుపాయాలు, ఏరోస్పేస్ టెక్నాలజీ, ఫార్మా సన్‌గ్రూప్ చైర్మన్ శివఖేమ్కాతో సమావేశమయ్యారు. ఫోర్టిస్ సూపర్ స్పెషాలిటీ హాస్పిటల్స్ మల్విందర్ సింగ్ చంద్రబాబును కలిశారు. రాష్ట్రాన్ని వైద్యరంగంలో హబ్‌గా మార్చాలన్నదే తన ఆశయమని చంద్రబాబు తెలిపారు.
ఫైబర్ అఫ్టికల్ ప్రాజెక్టుకు సిస్కో సహకారం
రాష్ట్ర ప్రభుత్వం ఇంటింటికీ 15నుంచి 20 ఎంబిపిఎస్ ఫైబర్ ఆప్టికల్ కనెక్షన్ ఇవ్వాలని తలపెట్టిన పథకానికి సహకరించేందుకు సిస్కో కంపెనీ సంసిద్ధత వ్యక్తం చేసింది. కంపెనీ చైర్మన్ జాన్ చాంబర్స్ తమ సహకారం అందిస్తామన్నారు. ఉభయ పక్షాలనుంచి ఒక కార్యాచరణ బృందాన్ని ఏర్పాటు చేస్తామని ప్రతిపాదించారు. సేల్స్‌ఫోర్స్ కంపెనీ ఎగ్జిక్యూటివ్ వైస్‌ప్రెసిడెంట్ వివేక్ కుంద్రా మాట్లాడుతూ కస్టమర్ల ఆదరణ చూరగొనేందుకు తమ కంపెనీ అనుసరిస్తున్న విధానాలను తెలిపారు. రాజధాని అమరావతి నిర్మాణంలో సహకరించాలని జపాన్ ఇంటర్నేషనల్ కో ఆపరేషన్ ఏజన్సీని కోరారు. ఈ సంస్థ అధ్యక్షుడు షిన్ని కిటావొకా మాట్లాడుతూ జపాన్‌కు అమరావతి ఒక ఆకర్షణని పెట్టుబడులు పెట్టేందుకు సిద్ధంగా ఉన్నామన్నారు. సమావేశాల్లో ఆర్ధిక శాఖ మంత్రి యనమల రామకృష్ణుడు, ప్రభుత్వ సలహాదారు పరకాల ప్రభాకర్ పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.