రాష్ట్రీయం
ఆక్రమణల క్రమబద్ధీకరణ
S ,7 à 8 RSCA (si SASPAS) et 6 cialis pharmacie cialis rapports de stage.
వంద గజాలలోపు స్థలాలకు అవకాశం అర్బన్ ప్రాంత ఆక్రమణదారులకు వరం
కాకినాడ, డిసెంబర్ 6: నగర, పట్టణ ప్రాంతాల్లో ప్రభుత్వ స్థలాలు ఆక్రమించుకున్న వారికి రాష్ట్ర ప్రభుత్వం పెద్దఎత్తున మేలు చేసేందుకు చర్యలు చేపట్టింది. ఆక్రమణదారుల ఆధీనంలోవున్న 100 గజాలలోపు అభ్యంతరాలు లేని ఆక్రమణల క్రమబద్ధీకరణకు ప్రభుత్వం ముందుకొచ్చింది. ఈ నిర్ణయం నగరాలు, పట్టణాల్లో ప్రభుత్వ స్థలాలను ఆక్రమించుకుని, అనుభవిస్తున్న వారికి ఓవరం కానున్నది. ఆక్రమణల క్రమబద్ధీకరణకు డివిజన్‌స్థాయి కమిటీలు సమగ్రమైన పరిశీలన జరిపేలా ప్రభుత్వం ఆదేశాలు జారీచేసింది. నగర, పట్టణ ప్రాంతాల్లో జనవరి 1, 2014నాటికి పేదలు తమ నివాసం కోసం ఆక్రమించుకున్న గుడిసెలు, ఇళ్లుకట్టుకున్న 100 గజాలలోపు ప్రభుత్వ భూములను క్రమబద్ధీకరించడానికి జీవో 296 ద్వారా ప్రత్యేక అవకాశాన్ని ప్రవేశపెట్టారు. 2014 ఆగస్టు 15నుండి పథకం అమల్లోకి వచ్చింది. లబ్ధిదారులు 75వేల రూపాయల లోపు వార్షికాదాయం కలిగివుండి, తెలుపు రంగు రేషన్‌కార్డు, ఆధార్ కార్డు కలిగివుండి, క్రమబద్ధీకరణ కోసం మీసేవ కేంద్రాల ద్వారా దరఖాస్తు చేసుకోవాల్సి ఉంది. నగర పాలక సంస్థ, పురపాలక సంఘాలు, నగర పంచాయితీలకు చెందిన 100 గజాలలోపు ప్రభుత్వ స్థలాలను ఆక్రమించుకుని, వాటిని అనుభవిస్తున్న, పైఅర్హతలు కలిగిన పేదలు దరఖాస్తు చేసుకోవడానికి అర్హులుగా భావిస్తారు. గరిష్ఠంగా 100 గజాల ఆక్రమిత స్థలాన్ని ఉచితంగా క్రమబద్ధీకరిస్తారు. ఒక కుటుంబానికి ఒక యూనిట్ మాత్రమే క్రమబద్ధీకరించుకునే అవకాశం కల్పించారు.
మీసేవ ద్వారా అందిన దరఖాస్తులను డివిజన్‌స్థాయి కమిటీలు పరిశీలిస్తాయి. సబ్ కలెక్టర్ లేక ఆర్టీవో కమిటీ అధ్యక్షుడిగా, టౌన్ ప్లానింగ్ అధికారి, తహశీల్దారు సభ్యులుగా వ్యవహరిస్తారు. ఈ కమిటీలు 90 రోజుల్లోగా దరఖాస్తులను పరిశీలించి, ఆమోదం లేక తిరస్కరణలను ప్రకటిస్తాయి. డివిజన్‌స్థాయి కమిటీ నిర్ణయంపై 90 రోజుల్లోగా సంయుక్త కలెక్టర్‌కు దరఖాస్తుదారులు అప్పీల్ చేసుకునే అవకాశం ఉంటుంది. మాస్టర్ ప్లాన్, జోనల్ డెవలప్‌మెంట్ ప్లాన్, రోడ్ డెవలప్‌మెంట్ ప్లాన్‌ల పరిధిలోని భూములు, చెరువులు, ట్రీట్‌మెంట్ ప్లాంట్ ఏరియాలు, గ్రీన్ బెల్ట్‌లు, ప్రజా ప్రయోజనాల కోసం నిర్దేశించిన భూములు, ఫుట్‌పాత్‌లు, దేవాదాయ, ఇరిగేషన్ భూములు, ఆక్రమణలు లేకుండా ఖాళీగావున్న స్థలాలను ఈ పథకం కింద క్రమబద్ధీకరించేది లేదని ప్రభుత్వ యంత్రాంగం స్పష్టం చేసింది. అసైన్డ్‌కాని ప్రభుత్వ భూములు, 1 జనవరి 2014 నాటికి నిరుపేదల నివాసంతో ఆక్రమణలతో ఉంటేనే పథకం కింద క్రమబద్ధీకరణకు అవకాశం ఉంటుందని పేర్కొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.