బిజినెస్
బ్యాంకింగ్ రంగంలో మరిన్ని సంస్కరణలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 14: బ్యాంకింగ్ రంగంలో మరిన్ని సంస్కరణలను ప్రభుత్వం తేనుందని కేంద్ర ఆర్థిక శాఖ మంత్రి అరుణ్ జైట్లీ స్పష్టం చేశారు. ‘రాబోయే రోజుల్లో బ్యాంకింగ్ రంగ సంస్కరణలను దశలవారీగా ప్రకటిస్తాం.’ అని ఆదివారం ఇక్కడ మేక్ ఇన్ ఇండియా వీక్‌లో భాగంగా జరిగిన సిఎన్‌ఎన్ ఆసియా బిజినెస్ ఫోరమ్ 2016లో మాట్లాడుతూ అన్నారు.
బ్యాంకింగ్ రంగంలోని 27 ప్రభుత్వరంగ బ్యాంకుల్లో ప్రభుత్వ వాటాలను ఇప్పుడే ఉపసంహరించుకోబోమన్న అరుణ్ జైట్లీ ప్రభుత్వ వాటాను 51 శాతానికి తగ్గించుకుంటామని గతంలోనే నిర్ణయించిన విషయాన్ని గుర్తుచేశారు. ముఖ్యంగా ప్రస్తుత ఆర్థిక సంవత్సరం (2015-16) మూడో త్రైమాసికం (అక్టోబర్-డిసెంబర్)లో ప్రకటించిన బ్యాంకింగ్ సంస్థల ఆర్థిక ఫలితాలు పేలవంగా నమోదవడంతో మొండి బకాయల విషయంలో కఠినంగా వ్యవహరించాలని ప్రభుత్వం భావిస్తోంది. బ్యాంక్ ఆఫ్ బరోడా, బ్యాంక్ ఆఫ్ ఇండియా, ఐడిబిఐ బ్యాంక్, మరికొన్ని బ్యాంకులు నష్టాల్లోకి జారుకోవడం ప్రభుత్వానికి మింగుడు పడటం లేదు. ఎస్‌బిఐ, పంజాబ్ నేషనల్ బ్యాంక్‌ల లాభం కూడా గణనీయంగా పడిపోయంది. దీంతో బ్యాంకులకు విశేషాధికా రాల అంశం మరోసారి తెరపైకి వస్తోంది.
మన్మోహన్ గొప్ప ఆర్థిక మంత్రి
మాజీ ప్రధాని మన్మోహన్ సింగ్ గొప్ప ఆర్థిక మంత్రి అంటూ ప్రశంసించిన జైట్లీ.. ఆయన ప్రధాన మంత్రి బాధ్యతలు చేపట్టాక మాత్రం సంస్కరణల అమలు మందగించిందని విమర్శించారు. ఆర్థిక మంత్రిగా తన హయాంలో సంస్కరణలకు నాంది పలికిన మన్మోహన్ సింగ్.. తాను ప్రధాన మంత్రి అయ్యాక మాత్రం అదే సంస్కరణల అమలును కొనసాగించలేకపోయారన్నారు. కీలక బిల్లుల అమలుకు కాంగ్రెస్ పార్టీ ప్రధాన అడ్డంకిగా మారిందని ఎప్పటినుంచో జైట్లీ విరుచుకుపడుతున్నది తెలిసిందే. ఈ క్రమంలో మరోసారి తనదైన శైలిలో కాంగ్రెస్ తీరును ఆయన ఎండగట్టారు. వస్తు, సేవల పన్ను (జిఎస్‌టి) అమలును కాంగ్రెస్ తీవ్రంగా అడ్డుకుంటున్నది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.