బిజినెస్
భారతీ ఎయిర్‌టెల్ లాభం రూ. 1,461 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 25: దేశీయ టెలికామ్ రంగ దిగ్గజం, ప్రైవేట్‌రంగ సంస్థ భారతీ ఎయిర్‌టెల్ ఏకీకృత నికర లాభం ప్రస్తుత ఆర్థిక సంవత్సరం (2016-17) రెండో త్రైమాసికం (జూలై-సెప్టెంబర్)లో గతంతో పోల్చితే 4.9 శాతం క్షీణించింది. 1,461 కోట్ల రూపాయలుగా నమోదైంది. గత ఆర్థిక సంవత్సరం (2015-16) జూలై-సెప్టెంబర్‌లో ఇది 1,536 కోట్ల రూపాయలుగా ఉంది. ఆదాయి ఈసారి 24,671.5 కోట్ల రూపాయలుగా, పోయినసారి 23,851.9 కోట్ల రూపాయలుగా ఉందని మంగళవారం ఓ ప్రకటనలో భారతీ ఎయిర్‌టెల్ స్పష్టం చేసింది. అయితే దేశ, విదేశాల్లో టెలికామ్ వ్యాపారాన్ని నిర్వహిస్తున్న భారతీ ఎయిర్‌టెల్‌కు దేశీయంగా మాత్రం ముకేశ్ అంబానీ నేతృత్వంలోని రిలయన్స్ జియో ప్రారంభించిన ఉచిత 4జి మొబైల్ సేవల కారణంగా కొంత ఇబ్బందికర పరిస్థితులు నెలకొన్నది వాస్తవం. ఎయిర్‌టెల్ ఆదాయానికి గండి పడిందనే చెప్పాలి. అయినప్పటికీ ఆఫ్రికా దేశాల నుంచి ఆదాయం పెరగడం కలిసొచ్చింది. దీంతో స్వల్పంగానే లాభాలు తగ్గాయ.
క్షీణించిన డాక్టర్ రెడ్డీస్ లాభం
హైదరాబాద్: డాక్టర్ రెడ్డీస్ లాబొరేటరీస్ నికర లాభం ఈ జూలై-సెప్టెంబర్ త్రైమాసికంలో 60 శాతం క్షీణించి 308.9 కోట్ల రూపాయలుగా నమోదైంది. నిరుడు 774.7 కోట్ల రూపాయలుగా ఉంది. ఆదాయం ఈసారి 3,616 కోట్ల రూపాయలుగా, పోయినసారి 4,020.7 కోట్ల రూపాయలుగా ఉందని మంగళవారం సంస్థ తెలిపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.