బిజినెస్
ఆర్‌బిఐ కొత్త డిప్యూటీ గవర్నర్‌గా విరల్ ఆచార్య నియామకం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 28: రిజర్వ్ బ్యాంక్ ఆఫ్ ఇండియా (ఆర్‌బిఐ) కొత్త డిప్యూటీ గవర్నర్‌గా విరల్ వి ఆచార్య నియమితులయ్యారు. 42 ఏళ్ల ఈ న్యూయార్క్ యూనివర్శిటీ ఎకనామిక్స్ ప్రొఫెసర్.. మూడేళ్లపాటు ఆర్‌బిఐ డిప్యూటీ గవర్నర్‌గా పనిచేయనున్నారు. ఈయనను బుధవారం కేంద్ర ప్రభుత్వం నియమించగా, కేంద్ర మంత్రివర్గంలోని నియామకాల కమిటీ ఆమోదించింది. ఆర్‌బిఐ గవర్నర్‌గా రఘురామ్ రాజన్ పదవీకాలం ముగియడంతో డిప్యూటీ గవర్నర్‌గా ఉన్న ఉర్జిత్ పటేల్ ఆర్‌బిఐ గవర్నర్‌గా పదోన్నతి పొందినది తెలిసిందే. దీంతో ఖాళీ అయిన డిప్యూటీ గవర్నర్ పదవిని ఇప్పుడు ఆచార్యతో భర్తీ చేశారు. పాత పెద్ద నోట్ల రద్దుతో డిపాజిట్లు, ఉపసంహరణలతో సతమతమవుతున్న ఆర్‌బిఐలోకి ఆచార్య రాగా, మాజీ గవర్నర్ రఘురామ్ రాజన్‌ను తరచూ ఈయన పొగుడుతూ ఉంటారు. తనకు రాజన్ ఆదర్శమని చెబుతారు. కాగా, ఆర్‌బిఐకి నలుగురు డిప్యూటీ గవర్నర్లుంటారు. ఆచార్య కాకుండా ప్రస్తుతమున్న డిప్యూటీ గవర్నర్లలో ఎస్‌ఎస్ ముంద్రా, ఎన్‌ఎస్ విశ్వనాథన్, ఆర్ గాంధీ ఉన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.