బిజినెస్
ఎస్‌ఎమ్‌ఇలకు డిజిటల్ సొబగులు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 4: భారతీయ సూక్ష్మ, మధ్యతరహా సంస్థ (ఎస్‌ఎమ్‌ఇ)ల డిజిటలైజేషన్‌కు టెక్నాలజీ దిగ్గజం గూగుల్ నడుం బిగించింది. గూగుల్ ఆవిష్కరణలతో దేశంలోని 51 మిలియన్ల ఎస్‌ఎమ్‌ఇలకు డిజిటల్ సహకరం అందనుంది. గూగుల్ సిఇఒ, భారత సంతతికి చెందిన సుందర్ పిచాయ్.. ఎస్‌ఎమ్‌ఇలు డిజిటల్ విధానంలోకి వెళ్లేందుకు కావాల్సిన అనేక నిర్ణయాలను బుధవారం ఇక్కడ ప్రకటించారు. ‘్భరత్ వంటి చోట సమస్యలను పరిష్కరిస్తే, ప్రపంచంలో ఎక్కడైనా సమస్యలను పరిష్కరించగలుగుతాం.’ అని ‘డిజిటల్ అన్‌లాక్డ్’ నైపుణ్య కార్య క్రమంలో పిచాయ్ మాట్లాడుతూ అన్నారు. గూగుల్ మరిం త ఉన్నత స్థానానికి చేరడానికీ ఇది దోహదపడుతుందన్న ఆయన అందరికీ ఉపయోగపడే పరిష్కారాలను చూపుతామని చెప్పారు. భారత ఆర్థిక వ్యవస్థకు అసలుసిసలైన చోదక శక్తి సూక్ష్మ, మధ్యతరహా వ్యాపారాలేనన్న ఆయన సాంకేతిక పరిజ్ఞానం తోడైతే వ్యాపార, పారిశ్రామిక రంగాలు వృద్ధిపథంలో నడుస్తాయన్నారు. ఈ క్రమంలోనే సూక్ష్మ, మధ్యతరహా వ్యాపారాల (ఎస్‌ఎమ్‌బి)కు తగువిధంగా డిజిటలైజేషన్ శిక్షణ ఇవ్వడానికి గూగుల్ పెట్టుబడులు పెడుతుందని ప్రకటించారు. గూగుల్-కెపిఎమ్‌జి సంయుక్తంగా నిర్వహించిన ఓ పరిశోధనా అధ్యయనంలో భారత్‌లోని 51 మిలియన్ల ఎస్‌ఎమ్‌బిల్లో 8 మిలియన్లకుపైగా ఎస్‌ఎమ్‌బిలు గూగుల్‌ను వేదికగా చేసుకుని డిజిటల్ లావాదేవీలు జరుపుతున్నాయని తేలినట్లు చెప్పారు. ఇంటర్నెట్ వినియోగం మరింతగా పెరగాల్సిన అవసరం ఉందని, దీనివల్ల వ్యాపారం సులభతరమవుతుందన్నారు. అందరికీ అనువుగా ప్రాంతీయ భాషల్లోనూ గూగుల్‌ను పరిచయం చేస్తున్న విషయాన్ని ఆయన గుర్తుచేశారు. ఈ కార్యక్రమానికి కేంద్ర ఎలక్ట్రానిక్స్, ఐటి శాఖ మంత్రి రవిశంకర్ ప్రసాద్ హాజరయ్యారు. గురువారం తాను చదువుకు న్న ఐఐటి ఖరగ్‌పూర్‌ను పిచాయ్ సందర్శించనున్నారు.
బుధవారం న్యూఢిల్లీలో జరిగిన ‘డిజిటల్ అన్‌లాక్డ్’ నైపుణ్య కార్యక్రమంలో మాట్లాడుతున్న గూగుల్ సిఇఒ సుందర్ పిచాయ్, కేంద్ర ఎలక్ట్రానిక్స్, ఐటి శాఖ మంత్రి రవిశంకర్ ప్రసాద్‌తో పిచాయ్ కరచాలనం
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.