బిజినెస్
ముంచిన గ్లోబల్ మార్కెట్లు వారాంతపు సమీక్ష
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 6: అంతర్జాతీయ మార్కెట్‌లో ముడి చమురు ధరల పతనంతో ఒడిదుడుకులకు లోనైన ఆయా దేశాల స్టాక్ మార్కెట్ల ప్రభావం గడచిన వారం దేశీయ స్టాక్ మార్కెట్లపై పడింది. మొత్తం ఐదు రోజుల ట్రేడింగ్‌లో మూడు రోజులు సూచీలు నష్టాలకే పరిమితమవగా, బాంబే స్టాక్ ఎక్స్‌చేంజ్ సూచీ సెనె్సక్స్ 253.72 పాయింట్లు నష్టపోయి 24,616.97 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 74.45 పాయింట్లు కోల్పోయి 7,489.10 వద్ద స్థిరపడింది. ప్రపంచ ఆర్థిక వ్యవస్థ మందగమనం, బ్యారెల్ ముడి చమురు ధర 30 డాలర్ల దిగువకు పడిపోవడం, రిజర్వ్ బ్యాంక్ ఆఫ్ ఇండియా (ఆర్‌బిఐ) జరిపిన ద్రవ్యసమీక్షలో కీలక వడ్డీరేట్లు యథాతథంగానే ఉండడం వంటివి మదుపరులను అమ్మకాల ఒత్తిడికి గురిచేశాయి. అంతర్జాతీయ అనిశ్చితి, డాలర్‌తో పోల్చితే రూపాయి మారకం విలువ క్షీణత వంటివి కూడా మార్కెట్ సెంటిమెంట్‌ను దెబ్బతీశాయి. ఈ క్రమంలోనే విద్యుత్, చమురు, గ్యాస్, రియల్టీ, పిఎస్‌యు, బ్యాంకింగ్, హెల్త్‌కేర్, క్యాపిటల్ గూడ్స్, ఆటో రంగాల షేర్ల విలువ క్షీణించింది. 5.70 శాతం నుంచి 1.28 శాతం మేరకు పడిపోయాయి. అయినప్పటికీ ఎఫ్‌ఎమ్‌సిజి, కన్జ్యూమర్ డ్యూరబుల్, టెక్నాలజీ, ఐటి రంగాల షేర్ల విలువ 1.42 శాతం నుంచి 0.28 శాతం పెరిగింది. ఎన్‌టిపిసి, మారుతి, ఐసిఐసిఐ బ్యాంక్, గెయిల్, ఎస్‌బిఐ, టాటా స్టీల్, రిలయన్స్ ఇండస్ట్రీస్ షేర్ల విలువ 12.31 శాతం నుంచి 6.06 శాతం తగ్గింది. బిఎస్‌ఇ మిడ్-క్యాప్ 0.79 శాతం, స్మాల్-క్యాప్ 2.76 శాతం చొప్పున కోల్పోయాయి. ఇక విదేశీ పోర్ట్ఫోలియో మదుపరులు (ఎఫ్‌పిఐ) గడచిన వారం 763.03 కోట్ల రూపాయల పెట్టుబడులను అమ్మేశారు. టర్నోవర్ విషయానికొస్తే గడచిన వారం బిఎస్‌ఇ 13,846.62 కోట్ల రూపాయలుగా, ఎన్‌ఎస్‌ఇ 84,978.59 కోట్ల రూపాయలుగా ఉన్నాయి. అయతే అంతకుముందు వారం మాత్రం బిఎస్‌ఇ టర్నోవర్ 10,420.61 కోట్ల రూపాయలుగా, ఎన్‌ఎస్‌ఇ టర్నోవర్ 70,348.91 కోట్ల రూపాయలుగా ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.