బిజినెస్
బ్యాంకులపై ఆర్‌బిఐ కొరడా
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 27: రిజర్వ్ బ్యాంక్ ఆఫ్ ఇండియా (ఆర్‌బిఐ).. మొత్తం 13 బ్యాంకులపై 27 కోట్ల రూపాయల జరిమానాను విధించింది. ఫెమా నిబంధనలు, కెవైసి నియమాలను ఉల్లంఘించినందుకుగాను 13 ప్రభుత్వరంగ, ప్రైవేట్‌రంగ బ్యాంకులపై కొరడా ఝుళిపించింది. ప్రభుత్వరంగ బ్యాంకింగ్ దిగ్గజం ఎస్‌బిఐ, ప్రైవేట్‌రంగ బ్యాంకింగ్ దిగ్గజం ఐసిఐసిఐ బ్యాంక్‌సహా మరో 8 బ్యాంకులకు నిబంధనలను సరిగ్గా అమలు చేయాలని గట్టిగా మందలించింది. ఓ ప్రభుత్వరంగ బ్యాంకు నుంచి అందుకున్న వివరాల ప్రకారం నిరుడు అక్టోబర్, నవంబర్ నెలల్లో 21 బ్యాంకుల లావాదేవీలను ఆర్‌బిఐ పరిశీలించింది. ఈ క్రమంలో మార్గదర్శకాలు, సూచనలు, నిబంధనల ఉల్లంఘన జరిగినట్లు గుర్తించిన ఆర్‌బిఐ.. అందుకు బాధ్యులైన బ్యాంకర్లపై జరిమానాలతో విరుచుకుపడింది. ఇందులోభాగంగానే బ్యాంక్ ఆఫ్ బరోడాపై 5 కోట్ల రూపాయలు, పంజాబ్ నేషనల్ బ్యాంక్‌పై 3 కోట్ల రూపాయలు, సిండికేట్ బ్యాంక్‌పై 3 కోట్ల రూపాయలు, యూకో బ్యాంక్‌పై 2 కోట్ల రూపాయలు, హెచ్‌డిఎఫ్‌సి బ్యాంక్‌పై 2 కోట్ల రూపాయలు, అలహాబాద్ బ్యాంక్‌పై 2 కోట్ల రూపాయలు, కెనరా బ్యాంక్‌పై 2 కోట్ల రూపాయలు, ఇండస్‌ఇండ్ బ్యాంక్‌పై 2 కోట్ల రూపాయలు, స్టేట్ బ్యాంక్ ఆఫ్ బికనీర్ అండ్ జైపూర్‌పై 2 కోట్ల రూపాయలు, బ్యాంక్ ఆఫ్ ఇండియాపై కోటి రూపాయలు, కార్పొరేషన్ బ్యాంక్‌పై కోటి రూపాయలు, ఆర్‌బిఎల్ బ్యాంక్‌పై కోటి రూపాయలు, స్టేట్ బ్యాంక్ ఆఫ్ మైసూర్‌పై కోటి రూపాయల చొప్పున జరిమానా విధించింది. అలాగే యాక్సిస్ బ్యాంక్, ఫెడరల్ బ్యాంక్, ఐసిఐసిఐ బ్యాంక్, కొటక్ మహీంద్ర బ్యాంక్, ఓరియంటల్ బ్యాంక్ ఆఫ్ కామర్స్, స్టాండర్డ్ చార్టర్డ్ బ్యాంక్, ఎస్‌బిఐ, యూనియన్ బ్యాంక్ ఆఫ్ ఇండియాలకు హెచ్చరికలు జారీ చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.