బిజినెస్
నష్టాల్లో స్టాక్ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, సెప్టెంబర్ 7: మంగళవారం భారీ లాభాలను అందుకున్న దేశీయ స్టాక్ మార్కెట్లు.. బుధవారం నష్టాల్లోకి జారుకున్నాయి. బాంబే స్టాక్ ఎక్స్‌చేంజ్ సూచీ సెనె్సక్స్ 51.66 పాయింట్లు పడిపోయి 28,926.36 వద్ద స్థిరపడగా, నేషనల్ స్టాక్ ఎక్స్‌చేంజ్ సూచీ నిఫ్టీ సైతం 25.05 పాయింట్లు దిగజారి 8,917.95 వద్ద నిలిచింది. యూరోపియన్ సెంట్రల్ బ్యాంక్ సమావేశానికి ముందు మదుపరులు లాభాల స్వీకరణకు దిగగా, అంతర్జాతీయ మార్కెట్లలో నెలకొన్న మిశ్రమ పరిస్థితులూ ఇందుకు దోహదపడ్డాయి. ఇక కన్జ్యూమర్ డ్యూరబుల్స్, యుటిలిటిస్, చమురు, గ్యాస్, ఫైనాన్స్, టెక్నాలజీ రంగాల షేర్ల విలువ 0.96 శాతం నుంచి 0.13 శాతం క్షీణించింది. అయితే క్యాపిటల్ గూడ్స్, మెటల్, రియల్టీ, విద్యుత్ రంగాల షేర్ల విలువ 1.21 శాతం నుంచి 0.66 శాతం పెరిగింది. ఆసియా మార్కెట్లలో చైనా, తైవాన్ సూచీలు 0.84 శాతం వరకు లాభపడితే, హాంకాంగ్, జపాన్, సింగపూర్, దక్షిణ కొరియా సూచీలు 0.10 శాతం నుంచి 0.41 శాతం వరకు నష్టపోయాయి. ఐరోపా మార్కెట్లలోనూ ఫ్రాన్స్, జర్మనీ సూచీలు 0.22 శాతం, 0.31 శాతం చొప్పున పెరగగా, బ్రిటన్ సూచీ మాత్రం 0.01 శాతం పడిపోయింది.
మైక్రోఫైనాన్స్ రంగంలో
దక్షిణాది సంస్థల హవా
హైదరాబాద్, సెప్టెంబర్ 7: మైక్రోఫైనాన్స్ రంగంలో దేశంలోని దక్షిణాది రాష్ట్రాల సంస్థలదే హవా. మైక్రోఫైనాన్స్ ఇనిస్టిట్యూషన్స్ నెట్‌వర్క్ (ఎమ్‌ఎఫ్‌ఐఎన్) నివేదిక ప్రకారం ఈ ఆర్థిక సంవత్సరం (2016-17) తొలి త్రైమాసికం (ఏప్రిల్-జూన్)లో దేశీయ మైక్రోఫైనాన్స్ సంస్థలు రుణాల పంపిణీలో 29 శాతం వృద్ధిరేటును సాధించాయి. అయితే ఇందులో దక్షిణాది రాష్ట్రాలకు చెందిన సంస్థలు 35 శాతం వృద్ధిని నమోదు చేసి అగ్రస్థానంలో ఉన్నాయని ఎమ్‌ఎఫ్‌ఐఎన్ చీఫ్ ఎగ్జిక్యూటివ్ ఆఫీసర్ రత్న విశ్వనాథన్ ఓ ప్రకటనలో తెలిపారు. ఇక ఉత్తరాది రాష్ట్రాల వాటా 25 శాతంగా, పశ్చిమాది రాష్ట్రాలు 24 శాతం. తూర్పు భారతదేశ రాష్ట్రాల సంస్థలు 16 శాతం వృద్ధిని అందుకున్నాయన్నారు. కాగా, దక్షిణాది రాష్ట్రాల్లో రుణ పంపిణీలో తమిళనాడు, కర్నాటక టాప్-5లో ఉన్నాయ.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.