బిజినెస్
పిఎఫ్ వడ్డీరేట్లను తగ్గించిన ఇపిఎఫ్‌ఒ
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు/న్యూఢిల్లీ, డిసెంబర్ 19: ప్రస్తుత ఆర్థిక సంవత్సరానికి (2016-17)గాను ఉద్యోగ భవిష్య నిధి ఇపిఎఫ్‌ఒ.. ఇపిఎఫ్ డిపాజిట్లపై వడ్డీరేటును తగ్గించింది. గత ఆర్థిక సంవత్సరం (2015-16) 8.8 శాతం వడ్డీరేటును ఇచ్చిన ఇపిఎఫ్‌ఒ.. ఈ ఆర్థిక సంవత్సరం మాత్రం దాన్ని 8.65 శాతానికే పరిమితం చేసింది. ఈ మేరకు సోమవారం బెంగళూరులో జరిగిన సమావేశంలో ఇపిఎఫ్‌ఒ నిర్ణాయక మండలి సెంట్రల్ బోర్డ్ ఆఫ్ ట్రస్టీస్ (సిబిటి) తీర్మానించినట్లు ఇండియన్ నేషనల్ ట్రేడ్ యూనియన్ కాంగ్రెస్ ఉపాధ్యక్షుడు అశోక్ సింగ్ పిటిఐకి తెలిపారు. దీన్ని భారతీయ మజ్దూర్ సంఘ్ ప్రధాన కార్యదర్శి వీర్జేశ్ ఉపాధ్యాయ్ కూడా స్పష్టం చేశారు. నిజానికి ఇపిఎఫ్‌ఒ ఆదాయ అంచనాల ప్రకారం 2016-17కూ వడ్డీరేటును 8.8 శాతంగానే ఉంచాలనుకున్నారు. కానీ మిగులు నిధులను వాడుకోవాలని సిబిటి నిర్ణయించడంతో వడ్డీరేట్లు తగ్గక తప్పలేదు. మొత్తానికి తాజా నిర్ణయం ఇపిఎఫ్‌ఒలోని 5 కోట్లకుపైగా ఖాతాదారులపై ప్రభావం చూపనుంది. కాగా, పబ్లిక్ ప్రావిడెంట్ ఫండ్ (పిపిఎఫ్) తదితర ప్రభుత్వ చిన్న మొత్తాల పొదుపు పథకాలపై చెల్లిస్తున్న వడ్డీరేటుకు అనుగుణంగానే ఇపిఎఫ్ డిపాజిట్లపై వడ్డీరేటును నిర్ణయంచాలని కార్మిక శాఖను ఆర్థిక శాఖ కోరుతోంది. ఈ క్రమంలోనే వడ్డీరేటు తగ్గడం గమనార్హం. ఈ సంవత్సరం సెప్టెంబర్‌లో చిన్న మొత్తాల పొదుపు పథకాలపై వడ్డీరేటును అక్టోబర్-డిసెంబర్‌కుగాను స్వల్పంగా 0.1 శాతం మేర కేంద్రం తగ్గించినది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.