బిజినెస్
టాటాలపై మిస్ర్తి న్యాయపోరాటం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 20: మిస్ర్తి-టాటాల వివాదం మరింతగా ముదురుతోంది. సోమవారం స్టాక్ మార్కెట్లలో లిస్టయిన ఆరు టాటా గ్రూప్ సంస్థ బోర్డుల నుంచి తప్పుకున్న సైరస్ మిస్ర్తి.. మంగళవారం టాటా సన్స్‌పై నేషనల్ కంపెనీ లా ట్రిబ్యునల్ (ఎన్‌సిఎల్‌టి)కు వెళ్లారు. సంబంధిత వర్గాల సమాచారం ప్రకారం టాటా సన్స్‌కు వ్యతిరేకంగా మిస్ర్తి కుటుంబ సారథ్యంలోని పెట్టుబడుల సంస్థలు ముంబయిలోని ఎన్‌సిఎల్‌టికి వెళ్లాయి. తనపట్ల టాటా సన్స్ అణచివేత, అన్యాయ వైఖరిని ప్రదర్శించిందంటూ కంపెనీల చట్టంలోని సెక్షన్ 241, సెక్షన్ 242ల క్రింద ఎన్‌సిఎల్‌టిలో దాఖలు చేసిన పిటిషన్‌లో మిస్ర్తి పేర్కొన్నట్లు తెలుస్తోంది. ఈ పిటిషన్‌పై గురువారం ఎన్‌సిఎల్‌టి విచారణ చేపట్టనుందని సదరు వర్గాలు చెబుతున్నాయి. మరోవైపు సైరస్ మిస్ర్తి ఎన్‌సిఎల్‌టిని ఆశ్రయించిన నేపథ్యంలో విచారణను ఎదుర్కొంటామని టాటా సన్స్ స్పష్టం చేసింది. దీనిపై తమ లాయర్లతో సంప్రదిస్తున్నామని పేర్కొంది. కాగా, తనను అన్యాయంగా తొలగించారంటూ టాటాలపై దాదాపు రెండు నెలల నుంచి ఎదురుదాడి చేస్తున్న సైరస్ మిస్ర్తి.. సోమవారం అనూహ్యంగా ఆరు ప్రధాన టాటా గ్రూప్ సంస్థల బోర్డుల నుంచి తప్పుకున్నారు. అయితే రతన్ టాటాపై తన పోరును మాత్రం ఆపబోనని మిస్ర్తి తేల్చిచెప్పారు. పెద్ద వేదికపై న్యాయపోరాటం చేస్తానన్నారు. అన్నట్లుగానే ఎన్‌సిఎల్‌టి గడప తొక్కారు. 100 బిలియన్ డాలర్లకుపైగా విలువైన 100కుపైగా సంస్థలున్న టాటా గ్రూప్‌నకు ప్రాతినిథ్యం వహిస్తున్న టాటా సన్స్ చైర్మన్‌గా మిస్ర్తిపై ఈ ఏడాది అక్టోబర్ 24న టాటాలు వేటు వేసినది తెలిసిందే. ఈ క్రమంలో గ్రూప్‌లోని ఒక్కో సంస్థ బోర్డు నుంచీ మిస్ర్తిని టాటాలు తప్పిస్తున్నారు. ఈ నెలలో ఐదు సంస్థల బోర్డు సమావేశాలు జరగనుండగా, అంతకుముందే ఊహించనివిధంగా స్టాక్ మార్కెట్లలో లిస్టయిన ఆరు సంస్థల నుంచి మిస్ర్తి బయటికొచ్చారు. ఇండియన్ హోటల్స్, టాటా స్టీల్, టాటా మోటార్స్, టాటా పవర్, టాటా కెమికల్స్ తదితర సంస్థల బోర్డులకు మిస్ర్తి టాటా చెప్పేశారు. ప్రస్తుతం టాటా సన్స్ తాత్కాలిక చైర్మన్‌గా రతన్ టాటా కొనసాగుతుండగా, కొత్త చైర్మన్ కోసం అనే్వషణ జరుగుతోంది. మిస్ర్తి చర్యలు టాటా గ్రూప్ నిర్వీర్యానికి దారితీస్తున్నాయని టాటాలు అంటుంటే, అధికారం ఒక్కరి చేతుల్లోనే ఉందంటూ రతన్ టాటాపై మిస్ర్తి విమర్శలు గుప్పిస్తున్నది తెలిసిందే. టాటా సన్స్‌లో మిస్ర్తీ కుటుంబానికి 18.5 శాతం వాటా ఉంది. ఇదిలావుంటే రతన్ టాటా అసత్యవాది అని మిస్ర్తీ అన్నారు. చేయని తప్పుకు నన్ను బలిపశువును చేశారని దుయ్యబట్టారు. 50 సంవత్సరాలుగా టాట సన్స్‌తో తమ కుటుంబం కలిసి నడుస్తోందన్న మిస్ర్తి.. అన్యాయంగా నన్ను తొలగించినందుకే కోర్టులదాకా వెళ్లాల్సి వచ్చిందని చెప్పుకొచ్చారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.