బిజినెస్
దేశీయ స్టాక్ మార్కెట్లకు ఐఎమ్‌ఎఫ్ దెబ్బ
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 17: దేశీయ స్టాక్ మార్కెట్లు మంగళవారం నష్టాల్లో ముగిశాయి. ఈ ఆర్థిక సంవత్సరానికి (2016-17)గాను భారత జిడిపి వృద్ధిరేటు అంచనాను అంతర్జాతీయ ద్రవ్యనిధి (ఐఎమ్‌ఎఫ్) తగ్గించిన నేపథ్యంలో మదుపరులు అమ్మకాల ఒత్తిడికి గురయ్యారు. దేశ జిడిపి వృద్ధిరేటు ఈసారి 6.6 శాతానికే పరిమితం కాగలదని సోమవారం ఐఎమ్‌ఎఫ్ అంచనా వేసింది. అంతకుముందు ఇది 7.6 శాతంగా ఉంటుందని అంచనా వేసినప్పటికీ.. పాత పెద్ద నోట్ల రద్దు నేపథ్యంలో సవరించాల్సి వచ్చిందని పేర్కొంది. ఈ క్రమంలోనే బాంబే స్టాక్ ఎక్స్‌చేంజ్ సూచీ సెనె్సక్స్ 52.51 పాయింట్లు కోల్పోయి 27,235.66 వద్ద స్థిరపడితే, నేషనల్ స్టాక్ ఎక్స్‌చేంజ్ సూచీ నిఫ్టీ 14.80 పాయింట్లు దిగజారి 8,398 వద్ద నిలిచింది. నిజానికి వస్తు, సేవల పన్ను (జిఎస్‌టి) ఆమోదం నష్టాలను కొంతమేర తగ్గించిందని మార్కెట్ వర్గాలు అంచనా వేస్తున్నాయి. తొమ్మిదిసార్లు చర్చల అనంతరం సోమవారం కేంద్రం, రాష్ట్రాల మధ్య జరిగిన జిఎస్‌టి కౌన్సిల్ సమావేశంలో పన్ను విధానంపై ఏకాభిప్రాయం కుదిరింది. కాగా, లోహ, చమురు, గ్యాస్, పిఎస్‌యు, ఆటో, బ్యాంకింగ్ రంగాల షేర్లు 1.52 శాతం వరకు క్షీణించాయి. అంతర్జాతీయంగా ఆసియా మార్కెట్లలో ప్రధాన సూచీలైన హాం కాంగ్, చైనా లాభపడితే, ఐరోపా మార్కెట్లలో కీలక సూచీలైన బ్రిటన్, జర్మనీ, ఫ్రాన్స్‌లు నష్టాల్లో కదలాడాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.