బిజినెస్
ఆర్‌బిఐ భేటీ, కార్పొరేట్ ఫలితాలే కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 5: వచ్చే వారం జరగనున్న రిజర్వ్ బ్యాంక్ ద్రవ్య పరపతి విధానం సమీక్ష,కార్పొరేట్ సంస్థల త్రైమాసిక ఫలితాలు, పారిశ్రామిక ఉత్పత్తి గణాంకాలు ఈ వారం మార్కెట్ తీరును నిర్ణయించనున్నాయని నిపుణులు అభిప్రాయ పడుతున్నారు. ఈ నెల 8న జరిగే ఆర్‌బిఐ ద్రవ్య పరపతి విధానం సమీక్షలో వడ్డీ రేట్లను తగ్గించాలా వద్దా అనే దానిపై ఆర్‌బిఐ మానిటరీ పాలసీ కమిటీ ఒక నిర్ణయం తీసుకోనుంది. ఆర్‌బిఐ ద్రవ్యపరపతి విధానం సమీక్షతో పాటుగా ప్రస్తుతం కొనసాగుతున్న త్రైమాసిక ఫలితాలు సైతం మదుపరుల సెంటిమెంట్‌పై ప్రభావం చూపించనున్నాయని ట్రేడ్ స్మార్ట్ ఆన్‌లైన్ వ్యవస్థాపక డైరెక్టర్ విజయ్ సింఘానియా అభిప్రాయ పడ్డారు. ఈ వారం త్రైమాసిక ఫలితాలు ప్రకటించనున్న సంస్థల్లో టాటా స్టీల్, బిహెచ్‌ఇఎల్, పంజాబ్ నేషనల్ బ్యాంక్, సిప్లా, హీరో మోటోకార్ప్, ఎన్‌టిపిసి, లుపిన్, గెయిల్, మహింద్ర, మహింద్ర, స్టేట్ బ్యాంక్ ఆఫ్ ఇండియా, టాటా పవర్‌లాంటి దిగ్గజాలున్నాయి. మరోవైపు 2016 డిసెంబర్ నెలకు సంబంధించిన పారిశ్రామిక ఉత్పత్తి గణాంకాలు శుక్రవారం వెలువడనున్నాయి.
ఇవన్నీ ఒక ఎత్తయితే అయిదు రాష్ట్రాల్లో జరుగుతున్న అసెంబ్లీ ఎన్నికల తీరుతెన్నులు సైతం మార్కెట్ తీరుతెన్నులను నిర్ణయించనున్నాయని మార్కెట్ వర్గాలు అంటున్నాయి. పంజాబ్, గోవా రాష్ట్రాల్లో పోలింగ్ శనివారం ముగియగా, యుపి, ఉత్తరాఖండ్, మణిపూర్ రాష్ట్రాల అసెంబ్లీ ఎన్నికలు మార్చిదాకా కొనసాగనున్న విషయం తెలిసిందే. ఈ అయిదు రాష్ట్రాల ఫలితాలు మార్చి 2వ వారంలో వెలువడుతాయి. అలాగే ప్రస్తుతం జరుగుతున్న పార్లమెంటు బడ్జెట్ సమావేశాల్లో పరిణామాలు కూడా గమనించాల్సిన అవసరం ఉందని నిపుణులు అంటున్నారు. నోట్ల రద్దు ప్రభావాన్ని అంచనా వేయడానికి మిగతా కంపెనీల త్రైమాసిక ఫలితాలను కూడా జాగ్రత్తగా గమనించాల్సిన అవసరం ఉంది. అయితే ఇప్పుడు దృష్టి అంతా కూడా ఆర్‌బిఐ సమావేశంపైనే ఉంది అని కోటక్ సెక్యూరిటీస్ పిసిజి రిసెర్చ్ సీనియర్ వైస్‌ప్రెసిడెంట్ దిపేన్ షా అభిప్రాయ పడ్డారు. గత వారం బిఎస్‌ఇ సెనె్సక్స్ 358 పాయింట్లు, నేషనల్ స్టాక్ ఎక్స్‌చేంజి సూచీ నిఫ్టీ దాదాపు వందపాయింట్లు లాభపడిన విషయం తెలిసిందే. కంపెనీల లాభాలను బట్టి వాటి షేర్ల ధరలు,సూచీలు ఉండే అవకాశముందని అమ్రపాలి ఆద్య ట్రేడింగ్, ఇనె్వస్టమెంట్ రిసెర్చ విభాగం చీఫ్, డైరెక్టర్ అబ్నిష్ కుమార్ సుధాంశు అంటున్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.