బిజినెస్
ప్యూగోట్ చేతికి అంబాసడర్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 11: అంబాసడర్.. సంపన్న వర్గాలకు ప్రతిబింబం. రాజకీయ ఠీవీకి, అధికార దర్పానికి చిహ్నాం. కాలం మారినా.. రోజులు గడిచినా.. అంబాసడర్ రాజసం మాత్రం అలాగే ఉండిపోయిందనడం అతిశయోక్తి కాదు. అత్యాధునిక సౌకర్యాలతో, నిత్యనూతన మోడళ్లతో కార్లు వస్తున్నా.. వాటిని అంబాసడర్‌తో పోల్చేవారు ఇప్పటికీ లేరంటే దాని ప్రత్యేకత ఏమిటో తెలుస్తుంది. అందుకే అంబాసడర్ బ్రాండ్‌కు ఎనే్నళ్లయినా, ఎన్నాళ్లయినా ఆదరణ అలాగే ఉండిపోయింది. అయితే ఇప్పుడు అంబాసడర్‌కు కొత్త యాజమాన్యం వచ్చింది. సికె బిర్లా గ్రూప్‌నకు చెందిన హిందుస్థాన్ మోటార్స్ నుంచి అంబాసడర్‌ను యూరోపియన్ ఆటో దిగ్గజం ప్యూగోట్ చేజిక్కించుకుంది. 80 కోట్ల రూపాయలకు అంబాసడర్ బ్రాండ్, ట్రేడ్‌మార్క్‌లను ప్యూగోట్ కొనుగోలు చేసింది. దీనికి సంబంధించిన ఓ ఒప్పందం కూడా ప్యూగోట్‌తో హిందుస్థాన్ మోటార్స్ కుదుర్చుకుంది. ప్రస్తుతం అంబాసడర్ కార్ల తయారీ ఆగిపోయిందన్న విషయం తెలిసిందే. కాగా, భారతీయ మార్కెట్‌లో పునఃప్రవేశానికి సికె బిర్లాతో కలిసి ప్యూగోట్.. తమిళనాడులో దాదాపు 700 కోట్ల రూపాయల పెట్టుబడితో వాహన, పవర్‌ట్రైన్ తయారీ ప్లాంట్‌ను నెలకొల్పుతోంది. దీనికి సంబంధించిన భాగస్వామ్య ఒప్పందాన్ని సికె బిర్లా గ్రూప్‌తో ప్యూగోట్ గత నెలే చేసుకుంది. ఈ ప్లాంట్ వార్షిక ఉత్పాదక సామర్థ్యం లక్ష వాహనాలు. ప్రస్తుతం 3 మిలియన్ల కార్లుగా ఉన్న భారతీయ ఆటోమోటివ్ మార్కెట్.. 2025 నాటికి 8-10 మిలియన్లకు చేరుకుంటుందని అంచనా. దీంతో ప్యూగోట్ మళ్లీ భారత మార్కెట్ వైపు చూస్తోంది. గతంలో సిట్రాన్, డిఎస్ మోడళ్లతో ప్యూగోట్ భారత్‌లో కార్లను అమ్మింది. అయితే వీటికి అంతగా ఆదరణ లభించలేదు. దీంతో దేశీయ మార్కెట్‌కు దూరమైన ప్యూగోట్.. తిరిగి ఇప్పుడు చారిత్రాత్మక అంబాసడర్ బ్రాండ్ కొనుగోలుతో దగ్గరవుతోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.