బిజినెస్
స్నాప్‌డీల్‌కు తగిలిన స్నాప్‌చాట్ సెగ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 16: ‘ఎంకి పెళ్లి.. సుబ్బి చావుకొచ్చింది’ అన్నది సామెత. ఈ సామెత ఇప్పుడు అక్షరాల రుజువైంది స్నాప్‌డీల్ విషయంలో. అవును మరి.. స్నాప్‌చాట్ సిఇఒ చేసిన వివాదాస్పద వ్యాఖ్యలు స్నాప్‌డీల్‌కు చుట్టుకున్నాయి. పేర్లు కాస్త అటుఇటుగా ఒకేలా ఉండటంతో స్నాప్‌చాట్.. స్నాప్‌డీల్ ఒక్కటేనని నెటిజన్లు పొరబడ్డారు. భారత్ గురించి, ఇక్కడి మార్కెట్‌పట్ల స్నాప్‌చాట్ సిఇఒ ఇవాన్ స్పైగెల్ చులకనగా మాట్లాడినట్లు వచ్చిన వార్తలతో దేశీయ నెటిజన్లు భగ్గుమన్నారు. స్నాప్‌చాట్ యాప్ వినియోగాన్ని ఆపేయాలని నిర్ణయించుకున్నారు. అయితే సోషల్ నెట్‌వర్కింగ్ యాప్ స్నాప్‌చాట్‌కు బదులుగా ఈ-కామర్స్ వేదిక స్నాప్‌డీల్ యాప్‌ను పెద్ద ఎత్తున నెటిజన్లు తొలగించేశారు. స్నాప్‌చాట్.. స్నాప్‌డీల్ ఒక్కటేనని భావించడమే కారణం. పేర్లు దాదాపు ఒకేలా ఉండటంతో చాలామంది రెండూ ఒక్కటేనని అనుకున్నారు. ఆ క్రమంలోనే స్నాప్‌డీల్ యాప్‌ను తమ మొబైల్స్ నుంచి అన్ ఇన్‌స్టాల్ చేసేశారు. కాగా, సంపన్నుల కోసం మాత్రమే స్నాప్‌చాట్ యాప్ ఉందని, పేదల కోసం కాదని, అందుకే భారత్, స్పెయిన్ వంటి పేద దేశాల్లోకి స్నాప్‌చాట్ యాప్ వెళ్లదని, అక్కడి విస్తరణను పట్టించుకోవడం లేదని తనతో స్నాప్‌చాట్ సిఇఒ స్పైగెల్ అన్నారని ఆ సంస్థ మాజీ ఉద్యోగుల్లో ఒకరు చెప్పినట్లు వార్తలొచ్చాయి. దీంతో భారత్‌లో నెటిజన్లు స్పైగెల్ తీరును ఖండించారు. ఆయనకు వ్యతిరేకంగా సోషల్ మీడియాలో విమర్శలు గుప్పిస్తున్నారు. మైక్రోసాఫ్ట్, గూగుల్ వంటి ప్రపంచ టెక్నాలజీ దిగ్గజాల సారథులుగా ఉన్నద భారతీయులేనని గుర్తుచేశారు. ఇక స్పైగెల్ వ్యాఖ్యలకు నిరసనగా తాము స్నాప్‌చాట్ యాప్‌ను తొలగిస్తున్నామంటూ కొందరు స్నాప్‌డీల్ బొమ్మను పోస్టింగ్ చేయడం గమనార్హం. వివిధ యాప్ స్టోర్లపై రివ్యూలిస్తూనే రేటింగ్స్‌ను తగ్గించేశారు. అయితే ఈ పొరబాటును గుర్తించిన కొందరు మాత్రం స్నాప్‌చాట్.. స్నాప్‌డీల్ మధ్య వ్యత్యాసాన్ని తెలియజేసే ప్రయత్నాలు చేశారు. 2015లోనూ ఇలాగే స్నాప్‌డీల్ బ్రాండ్ అంబాసిడర్‌గా ఉన్న బాలీవుడ్ ప్రముఖ నటుడు అమీర్‌ఖాన్.. దేశంలో అసహనంపై చేసిన వ్యాఖ్యలు తీవ్ర దుమారాన్ని లేపినది తెలిసిందే. చివరకు ఆయన్ను బ్రాండ్ అంబాసిడర్‌గా తొలగిస్తున్నట్లు స్నాప్‌డీల్ ప్రకటించాల్సి వచ్చింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.