బిజినెస్
రికార్డు పరుగులకు బ్రేక్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూన్ 6: దేశీయ స్టాక్ మార్కెట్లు మంగళవారం నష్టాల్లో ముగిశాయి. దీంతో వరుస లాభాలతో రోజుకో సరికొత్త స్థాయిలను చేరుకుంటున్న సూచీల రికార్డులకు బ్రేక్ పడినట్లైంది. బాంబే స్టాక్ ఎక్స్‌చేంజ్ సూచీ సెనె్సక్స్ 118.93 పాయింట్లు పతనమై 31,190.56 వద్ద స్థిరపడగా, నేషనల్ స్టాక్ ఎక్స్‌చేంజ్ సూచీ నిఫ్టీ సైతం 37.95 పాయింట్లు కోల్పోయి 9,637.15 వద్ద నిలిచింది. మంగళవారం ట్రేడింగ్‌లో మదుపరులు కొనుగోళ్లు-అమ్మకాల మధ్య ఊగిసలాడగా, ఒకానొక దశలో సెనె్సక్స్ 31,430.32 పాయింట్లను, నిఫ్టీ 9,709.30 పాయింట్లను తాకి మునుపెన్నడూ లేని ఇంట్రా-డే రికార్డులను నెలకొల్పాయి. అయితే రిజర్వ్ బ్యాంక్ ఆఫ్ ఇండియా (ఆర్‌బిఐ) ద్రవ్యసమీక్ష బుధవారం జరగనున్న క్రమంలో మదుపరులు లాభాల స్వీకరణకు దిగారు. దీంతో సూచీలు నష్టపోక తప్పలేదు. కన్జ్యూమర్ డ్యూరబుల్స్, పవర్, ఇండస్ట్రియల్స్, రియల్టీ, ఎఫ్‌ఎమ్‌సిజి, యుటిలిటీస్, క్యాపిటల్ గూడ్స్, ఆటో రంగాల షేర్ల విలువ 2.01 శాతం నుంచి 1.08 శాతం మధ్య దిగజారింది. అయితే ఐటి, టెక్నాలజీ రంగాల షేర్ల విలువ మాత్రం 2.33 శాతం, 1.64 శాతం చొప్పున పెరిగాయి. అంతర్జాతీయంగా చూస్తే ఆసియా మార్కెట్లలో చైనా, హాంకాంగ్ సూచీలు లాభపడితే, జపాన్ సూచీ మాత్రం నష్టపోయింది. ఐరోపా మార్కెట్లలో కీలక సూచీలైన ఫ్రాన్స్, జర్మనీ, బ్రిటన్ సూచీలు నష్టాల్లో కదలాడాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.