బిజినెస్
భారతీయ మార్కెట్‌లోకి నయా నోకియా స్మార్ట్ఫోన్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 13: భారతీయ మార్కెట్‌లోకి స్మార్ట్ఫోన్ల రూపంలో సరికొత్తగా ప్రవేశించింది నోకియా. హెచ్‌ఎమ్‌డి గ్లోబల్ ద్వారా నోకియా బ్రాండ్.. మళ్లీ విపణిలోకి అడుగిడింది. నోకియా 3, 5, 6 మోడళ్లను మంగళవారం న్యూఢిల్లీలో ఆ విష్కరించారు. జూన్ 16 నుంచి నోకియా 3 మోడల్ అందుబాటులో ఉంటుందని హెచ్‌ఎమ్‌డి గ్లోబల్ ప్రతినిధులు తెలిపారు. జూలై 7 నుంచి నోకియా 5 మోడల్ ప్రీ-బుకింగ్స్ మొదలవుతాయన్నారు. నోకియా 3 ధర 9,499 రూపాయలైతే, నోకియా 5 ధర 12,899 రూపాయలని చెప్పారు. రిటైల్ స్టోర్లలో మాత్రమే ఇవి లభించనున్నాయ. కాగా, నోకియా 6 మోడల్ ప్రీ-బుకింగ్స్ జూలై 14 నుంచి ప్రారంభమవుతాయని, దీని ధర 14,999 రూపాయలని పేర్కొన్నారు. ప్రముఖ ఈ-కామర్స్ సంస్థ అమెజాన్‌పై కొనుగోలు చేయవచ్చన్నారు. సామ్‌సంగ్, యాపిల్ స్మార్ట్ఫోన్లకు పోటీగా వీటిని దేశీయ మార్కెట్‌కు పరిచయం చేస్తున్నట్లు హెచ్‌ఎమ్‌డి గ్లోబల్ చీఫ్ మార్కెటింగ్ ఆఫీసర్ పెక్కా, హెచ్‌ఎమ్‌డి గ్లోబల్ ఉపాధ్యక్షుడు (్భరత్) అజయ్ మెహతా తెలిపారు. అంతర్జాతీయ స్థాయలో నోకియా మొబైల్స్ మార్కెటింగ్ హక్కులను హెచ్‌ఎమ్‌డి గ్లోబల్ దక్కించుకున్నది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.