బిజినెస్
వీటికి జిఎస్‌టి వర్తించదు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 10: తమతమ ఉద్యోగులకు ఆయా సంస్థలు ఇచ్చే నగదు బహుమతులకు వస్తు, సేవల పన్ను (జిఎస్‌టి)లో మినహాయింపును ఇచ్చింది కేంద్ర ప్రభుత్వం. 50,000 రూపాయల వరకు జిఎస్‌టి వర్తించదని పేర్కొంది. అలాగే క్లబుల్లో, హెల్త్, ఫిట్నెస్ సెంటర్లలో సభ్యత్వం ఉచితమని స్పష్టం చేసింది. ఏ సంస్థ అయినాసరే తమ ఉద్యోగులకు క్లబ్, హెల్త్, ఫిట్నెస్ సెంటర్ సభ్యత్వాన్ని అందిస్తే.. అది జిఎస్‌టి పరిధిలోకి రాదని తెలిపింది. ఉద్యోగికి సంస్థ ఇచ్చే బహుమతి, పెర్క్స్‌పై జిఎస్‌టి ఉంటుందా? అన్నదానికి బదులుగా సోమవారం కేంద్ర ప్రభుత్వం పైవిధంగా స్పష్టత ఇచ్చింది. ఉద్యోగులకు సంస్థలు అందించే వసతి సదుపాయానికి కూడా జిఎస్‌టి వర్తించదంది. ఒకే దేశం.. ఒకే మార్కెట్.. ఒకే పన్ను నినాదంతో వచ్చిన జిఎస్‌టిలో 1,200లకుపైగా వస్తువులు, 500ల సేవలకు కలిపి నాలుగు శ్లాబుల్లో పన్ను రేట్లను నిర్ణయించారు. 5, 12, 18, 28 రేట్లలో ఈ పన్నులను వేయగా, బంగారానికి ప్రత్యేకంగా 3 శాతం పన్నును విధించారు. విద్య, వైద్యం, తాజా కూరగాయలకు పన్ను నుంచి మినహాయింపునిచ్చారు. ఈ నెల 1 నుంచి జిఎస్‌టి దేశవ్యాప్తంగా అమల్లోకి వచ్చినది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.