బిజినెస్
ఒక్కటైన స్కూట్ ఎయిర్‌లైన్స్-టైగర్‌ఎయిర్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 28: ‘నేటి నుంచి టైగర్‌ఎయిర్ విమానాలన్నీ స్కూట్ ఎయిర్‌లైన్స్ ఆధ్వర్యంలో నడుస్తాయి.’ అని సింగపూర్ ఎయిర్‌లైన్స్ అనుబంధ సంస్థ అయిన స్కూ ట్ ఎయిర్‌లైన్స్ శుక్రవారం ఇక్కడ తెలిపింది. స్కూట్ ఎయిర్‌లైన్స్ ఇండియా అధిపతి భరత్ మహదేవన్ విలేఖరుల సమావేశంలో మాట్లాడుతూ ఒక్కటైపోవాలన్న ఆకాంక్షను 9 నెలల క్రితం స్కూట్, టైగర్‌ఎయిర్ బ్రాండ్లు వ్యక్తం చేశాయని, దానికి అనుగుణంగానే ఇకపై టైగర్‌ఎయిర్ విమానాలు స్కూట్ బ్రాండ్‌లో నడుస్తాయని చెప్పారు. టైగర్‌ఎయిర్ విమానం చివరిసారిగా తిరుచిరాపల్లి-సింగపూర్ మధ్య ప్రయాణించిందని, ఈ నెల 24 రాత్రి 11:05 నిమిషాలకు తిరుచిరాపల్లి నుంచి సింగపూర్‌కు బయలుదేరిందని తెలిపారు. ఇదిలావుంటే ఈ విలీనం సందర్భంగా స్కూట్ ఎయిర్‌లైన్స్ పలు ఆఫర్లను తమ ప్రయాణీకులకు ప్రకటించింది. హైదరాబాద్ నుంచి సింగపూర్, ఇతర ప్రాంతాలకు వెళ్లే విమానాల టిక్కెట్ల ధరలపై ఈ ఆఫర్లను తీసుకొచ్చింది. ‘నిరుడు భారత్‌లో మా విమాన సేవలను విజయవంతంగా ప్రారంభించాం. ఇప్పు డు టైగర్‌ఎయిర్ కలయికతో స్కూట్ సేవలు మరింత విస్తృతం అయ్యాయి.’ అని మహదేవన్ అన్నారు. కాగా, బెంగళూరు, హైదరాబాద్, కొచ్చి, తిరుచిరాపల్లి, లక్నోల నుంచి టైగర్‌ఎయిర్ బ్రాండ్‌లో కాకుండా ఇక స్కూట్ బ్రాండ్‌లో విమాన సేవలు ఉంటాయని చెప్పారు. టైగర్‌ఎయిర్ విలీనం తర్వాత స్కూట్ ఎయిర్‌లైన్స్ ఒక వారంలో నడిపే విమానాల సంఖ్య 50కి చేరిందని, ఇందులో 8 విమానాలు భారత్, సింగపూర్ మధ్య తిరుగుతాయని వివరించారు. మరోవైపు రాజస్థాన్ పర్యాటక అందాలకు మరింత గుర్తింపు వచ్చేలా ఆ రాష్ట్ర ప్రభుత్వంతో స్కూట్ ఎయిర్‌లైన్స్ చర్చలు జరుపుతోందని మహదేవన్ తెలిపారు. పరస్పర ప్రయోజనాలను దృష్టిలో పెట్టుకుని ఒప్పందం చేసుకునే వీలుందన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.