బిజినెస్
ఎన్నికల ఫలితాలే చోదకశక్తి!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 17: గుజరాత్, హిమాచల్‌ప్రదేశ్ అసెంబ్లీ ఎన్నికల ఫలితాలు ఈ వారం దేశీయ స్టాక్ మార్కెట్లలో లావాదేవీలను ప్రధానంగా ప్రభావం చేయనున్నాయని నిపుణులు పేర్కొన్నారు. అమెరికాలో పన్నుల సంస్కరణలు, అంతర్జాతీయ మార్కెట్‌లో చమురు ధరలు వంటి ప్రపంచ పరిణామాలపైనా మదుపరులు దృష్టి సారిస్తారని, ఆయా పరిణామాలను బట్టి స్పందిస్తారని నిపుణులు అభిప్రాయపడ్డారు. పార్లమెంటు శీతాకాల సమావేశాలలో తీసుకోబోయే నిర్ణయాలను కూడా మదుపరులు జాగ్రత్తగా పరిశీలిస్తారని పేర్కొన్నారు. గుజరాత్, హిమాచల్‌ప్రదేశ్‌లలో బీజేపీ విజయం సాధిస్తుందని ఎగ్జిట్ పోల్ సర్వేలు వెల్లడించిన విషయం తెలిసిందే. ఈ సర్వేల ఫలితాలతో గత వారం దేశీయ స్టాక్ మార్కెట్లలో కొనుగోళ్లు పుంజుకొని ప్రధాన సూచీలు బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ పైకి ఎగబాకాయి. ఈ రెండు రాష్ట్రాల ఓట్ల లెక్కింపు సోమవారం మార్కెట్లు పనిచేసే సమయంలోనే వెలువడనున్నాయి. ఎగ్జిట్ పోల్ సర్వేల ఫలితాలకు భిన్నంగా వాస్తవ ఫలితాలు వెలువడితే స్టాక్ మార్కెట్లపై ప్రతికూల ప్రభావం చూపుతుందని జియోజిత్ ఫైనాన్షియల్ సర్వీసెస్ పరిశోధనా విభాగం అధిపతి వినోద్ నాయర్ పేర్కొన్నారు. ఈ రెండు రాష్ట్రాల ఎన్నికల ఫలితాలతో పాటు ప్రపంచ స్టాక్ మార్కెట్లలో లావాదేవీల సరళి, అమెరికాలో పన్నుల సంస్కరణలు వంటి అంశాలు కూడా దేశీయ స్టాక్ మార్కెట్లను ఈ వారం ప్రభావితం చేస్తాయని ఆయన వివరించారు. ఈ అంశాలతో పాటు ఇప్పుడిప్పుడే మొదలయిన పార్లమెంటు శీతాకాల సమావేశాలలో తీసుకోబోయే నిర్ణయాలు, అంతర్జాతీయ మార్కెట్‌లో ముడి చమురు ధరలు కూడా దేశీయ స్టాక్ మార్కెట్లను ప్రభావితం చేస్తాయని కోటక్ సెక్యూరిటీస్‌లోని పీసీజీ రీసెర్చ్ వైస్ ప్రెసిడెంట్ టీనా విర్మాని పేర్కొన్నారు. రెండు రాష్ట్రాల ఎన్నికల ఫలితాలు వెలువడే సోమవారం కూడా దేశీయ స్టాక్ మార్కెట్లలో సానుకూల ధోరణి కొనసాగుతుందని ఆశాభావంతో ఉన్నట్టు అరిహంత్ క్యాపిటల్ మార్కెట్స్ హోల్ టైమ్ డైరెక్టర్ అనితా గాంధీ పేర్కొన్నారు. గత వారం సెనె్సక్స్ గణనీయంగా 212.67 పాయింట్లు (0.63 శాతం) లాభపడింది. నిఫ్టీ కూడా 67.60 పాయింట్లు (0.65 శాతం) పుంజుకుంది. రెండు రాష్ట్రాల ఫలితాలు వెలువడగానే సోమవారం దేశీయ స్టాక్ మార్కెట్లు సంతోషంతో పరుగులు పెడతాయని, అయితే ఆ తరువాత మాత్రం దిద్దుబాటుకు లోనవుతాయనే భావన నెలకొని ఉంది. కేవలం వారం రోజులే మార్కెట్లలో లావాదేవీలు క్రియాశీలకంగా కొనసాగుతాయి. ఆ తరువాత సంవత్సరాంతం సమీపిస్తుండటంతో ప్రపంచమంతా హాలీడే మూడ్‌లోకి వెళ్లిపోతుంది. ఈ వారమంతా మార్కెట్లలో ఉత్సాహపూరిత వాతావరణం నెలకొంటుందని, నిర్దిష్టమైన షేర్లలో కొనుగోళ్లు జరుగుతాయని, అయితే మొత్తంమీద చూస్తే మదుపరులు ఆచితూచి అడుగులు వేసే ధోరణి నెలకొని ఉంటుందని సామ్‌కో సెక్యూరిటీస్ సీఈఓ జమీత్ మోడీ పేర్కొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.