బిజినెస్
రూ.97,932కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 28: బొంబాయి స్టాక్ ఎక్స్చేంజ్ (బీఎస్‌ఈ)లోని టాప్ టెన్ పెద్ద కంపెనీలలో తొమ్మిది సంస్థల మొత్తం మార్కెట్ విలువ గురువారంతో ముగిసిన వారంలో రూ. 97,931.85 కోట్లు పెరిగింది. టాటా కన్సల్టెన్సీ సర్వీసెస్ (టీసీఎస్), రిలయన్స్ ఇండస్ట్రీస్ లిమిటెడ్ (రిల్) గరిష్ఠ లాభాలతో ముందంజలో నిలిచాయి. హెచ్‌డీఎఫ్‌సీ బ్యాంక్, ఐటీసీ, హిందుస్తాన్ యూనిలీవర్ లిమిటెడ్ (హెచ్‌యూఎల్), ఓఎన్‌జీసీలు తమ మార్కెట్ క్యాపిటలైజేషన్ (ఎం-క్యాప్)ను బాగా పెంచుకున్న కంపెనీలలో ఉన్నాయి. బీఎస్‌ఈలోని అత్యధిక విలువయిన తొలి పది కంపెనీలలో ఒక్క మారుతి సుజుకి ఇండియా మార్కెట్ క్యాపిటలైజేషన్ మాత్రమే ఈ వారంలో పడిపోయింది. గణతంత్ర దినోత్సవాన్ని పురస్కరించుకొని శుక్రవారం స్టాక్ మార్కెట్లకు సెలవు ప్రకటించారు. అందువల్ల గురువారం నాటి వరకు జరిగిన ఈ వారం లావాదేవీల్లో టీసీఎస్ మార్కెట్ విలువ రూ. 31,222.03 కోట్ల పెరుగుదలతో రూ. 5,96,846.16 కోట్లకు పెరిగింది. దీంతో టాప్ టెన్ కంపెనీలలో టీసీఎస్ ఈ వారంలో అత్యధికంగా లబ్ధి పొందిన సంస్థగా నిలిచింది. రిలయన్స్ ఇండస్ట్రీస్ లిమిటెడ్ మార్కెట్ క్యాపిటలైజేషన్ రూ. 22,295.4 కోట్లు పుంజుకొని, రూ. 6,10,938.21 కోట్లకు చేరుకుంది. ఓఎన్‌జీసీ మార్కెట్ విలువ రూ. 18,800.69 కోట్లు పెరిగి, రూ. 2,67,252.12 కోట్లకు చేరుకుంది. ఐటీసీ మార్కెట్ విలువ రూ. 8,533.32 కోట్లు పుంజుకొని, రూ. 3,42,368.98 కోట్లకు పెరిగింది. ఐటీ సేవల దిగ్గజం ఇన్ఫోసిస్ మార్కెట్ క్యాపిటలైజేషన్ రూ. 6,016.78 కోట్లు పెరిగి, రూ. 2,55,696.84 కోట్లకు చేరింది. హెచ్‌డీఎఫ్‌సీ బ్యాంక్ మార్కెట్ విలువ రూ. 5,316.73 కోట్లు పుంజుకొని, రూ. 5,10,701.65 కోట్లకు పెరిగింది. ఎస్‌బీఐ మార్కెట్ క్యాపిటలైజేషన్ రూ. 3,539.14 కోట్లు పెరిగి, రూ. 2,70,312.76 కోట్లకు చేరుకుంది. హెచ్‌యూఎల్ మార్కెట్ విలువ రూ. 1,872.27 కోట్లు పుంజుకొని, రూ. 2,96,739.30 కోట్లకు పెరిగింది. హెచ్‌డీఎఫ్‌సీ మార్కెట్ క్యాపిటలైజేషన్ రూ. 335.49 కోట్లు పెరిగి, రూ. 3,03,949.77 కోట్లకు చేరింది. మరోవైపు, మారుతి ఎం-క్యాప్ రూ. 1,333.69 కోట్లు పడిపోయి, రూ. 2,80,245.71 కోట్లకు తగ్గింది. ఈ టాప్ టెన్ సంస్థల్లో రిల్ మొదటి స్థానంలో నిలవగా, టీసీఎస్, హెచ్‌డీఎఫ్‌సీ బ్యాంక్, ఐటీసీ, హెచ్‌డీఎఫ్‌సీ, హెచ్‌యూఎల్, మారుతి, స్టేట్ బ్యాంక్ ఆఫ్ ఇండియా (ఎస్‌బీఐ), ఓఎన్‌జీసీ, ఇన్ఫోసిస్ తరువాత స్థానాల్లో నిలిచాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.