బిజినెస్
‘వ్యవసాయ కంపెనీల’ షేర్ల ధరలకు రెక్కలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 1: వ్యవసాయం, గ్రామీణ ఆర్థిక వ్యవస్థను పటిష్ఠం చేయడంపై 2018-19 ఆర్థిక సంవత్సర బడ్జెట్ కేంద్రీకరిస్తుందని కేంద్ర ఆర్థిక మంత్రి అరుణ్ జైట్లీ ప్రకటించడంతో గురువారం దేశీయ స్టాక్ మార్కెట్‌లో వ్యవసాయ సంబంధ కంపెనీల షేర్ల ధరలు పుంజుకున్నాయి. బొంబాయి స్టాక్ ఎక్స్చేంజ్ (బీఎస్‌ఈ)లో ఎన్‌ఏసీఎల్ ఇండస్ట్రీస్ షేర్ ధర 9.64 శాతం, పీఐ ఇండస్ట్రీస్ షేర్ విలువ 6.49 శాతం, శక్తి పంప్స్ ఇండియా షేర్ ధర 5.89 శాతం, యాక్షన్ కన్‌స్ట్రక్షన్ ఎక్విప్‌మెంట్ షేర్ విలువ 5.66 శాతం, మోన్‌సాంటో ఇండియా షేర్ ధర 4.84 శాతం చొప్పున పెరిగాయి. అలాగే ఏరియెస్ ఆగ్రో షేర్ ధర 4.99 శాతం, ధనుక అగ్రిటెక్ షేర్ విలువ 3.89 శాతం, కావేరి సీడ్ కంపనీ షేర్ ధర 3.4 శాతం, యూపీఎల్ షేర్ విలువ 2.61 శాతం చొప్పున పుంజుకున్నాయి.
‘్ఫడ్ ప్రాసెసింగ్’ షేర్లలో ర్యాలీ
వచ్చే ఆర్థిక సంవత్సరం ఆహార తయారీ రంగానికి కేటాయింపులు దాదాపు రెండింతలు చేస్తూ, రూ. 1,400 కోట్లు కేటాయిస్తూ బడ్జెట్‌లో ప్రతిపాదించడంతో గురువారం స్టాక్ మార్కెట్‌లో ఈ రంగానికి చెందిన షేర్ల ధరలు బాగా పెరిగాయి. బీఎస్‌ఈలో అవంతి ఫీడ్స్ షేర్ ధర 14.41 శాతం, శీతల్ కూల్ ప్రొడక్ట్స్ షేర్ విలువ 8.59 శాతం, గోద్రెజ్ ఆగ్రోవెట్ షేర్ ధర 6.83 శాతం, ఫ్రెష్‌ట్రాప్ ఫ్రూట్స్ షేర్ విలువ 6.75 శాతం చొప్పున పెరిగాయి.
పడిపోయిన బ్రోకింగ్ కంపెనీల షేర్ల విలువ
స్టాక్ మార్కెట్‌లో పెట్టుబడులు పెట్టడం ద్వారా రూ. ఒక లక్షకు మించి ఆర్జించిన లాభాలపై పది శాతం లాంగ్-టర్మ్ క్యాపిటల్ గెయిన్స్ పన్నును ప్రవేశపెడుతూ బడ్జెట్‌లో ప్రతిపాదించడంతో గురువారం స్టాక్ మార్కెట్‌లో బ్రోకింగ్ కంపనీల షేర్ల విలువ అయిదు శాతం వరకు పడిపోయింది. బీఎస్‌ఈలో రెలిగేర్ ఎంటర్‌ప్రైజెస్ షేర్ విలువ 4.95 శాతం, ఆదిత్య బిర్లా మనీ షేర్ ధర 2.18 శాతం, మోతీలాల్ ఓస్వాల్ ఫైనాన్షియల్ సర్వీసెస్ షేర్ విలువ 1.63 శాతం, డీబీ ఇంటర్నేషనల్ స్టాక్ బ్రోకర్స్ షేర్ ధర ఒక శాతం చొప్పున తగ్గాయి
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.