బిజినెస్
మరింత బలపడిన మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 13: స్థూలార్థిక గణాంకాలు అంచనాలకు మించి సానుకూలంగా ఉండటంతో పాటు కార్పొరేట్ కంపెనీల నాలుగో త్రైమాసిక (క్యూ 4) ఫలితాలు బాగుంటాయన్న మదుపరుల అంచనాలతో దేశీయ స్టాక్ మార్కెట్లు శుక్రవారం లాభాలతో ముగిశాయి. మధ్యాహ్నం తరువాత కొంత అనిశ్చితి నెలకొన్నప్పటికీ మార్కెట్ కీలక సూచీలు దానిని అధిగమించి, ఆరు వారాల గరిష్ఠ స్థాయికి చేరుకున్నాయి. దేశీయ మార్కెట్ కీలక సూచీలు పుంజుకోవడం ఇది వరుసగా ఏడో సెషన్. నిరుడు నవంబర్ తరువాత వరుసగా ఇన్ని సెషన్లు సూచీలు పుంజుకోవడం ఇదే మొదటిసారి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ శుక్రవారం 91.52 పాయింట్లు పుంజుకొని, 34,192.65 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 22 పాయింట్లు పెరిగి, 10,480.60 పాయింట్ల వద్ద స్థిరపడింది. 34,313.14- 34,103.53 పాయింట్ల మధ్య కదలాడిన సెనె్సక్స్ చివరకు క్రితం ముగింపుతో పోలిస్తే 91.52 పాయింట్లు (0.27 శాతం) పుంజుకొని, 34,192.65 పాయింట్ల వద్ద ముగిసింది. ఫిబ్రవరి 27న 34,346.39 పాయింట్ల వద్ద ముగిసిన సెనె్సక్స్, ఆ తరువాత ఇంత అధిక స్థాయి వద్ద ముగియడం ఇదే మొదటిసారి. ఈ సూచీ గత ఏడు సెషన్లలో కలిపి 1,173.58 పాయింట్లు పుంజుకుంది. నిఫ్టీ శుక్రవారం క్రితం ముగింపుతో పోలిస్తే 21.95 పాయింట్లు (0.21 శాతం) పుంజుకొని, 10,480.60 పాయింట్ల వద్ద స్థిరపడింది. అంతకు ముందు ఈ సూచీ 10,519.90- 10,451.45 పాయింట్ల మధ్య కదలాడింది. ఈ రెండు సూచీలు కూడా వరుసగా మూడో వారం పుంజుకున్నాయి. ఈ వారం సెనె్సక్స్ గణనీయంగా 565.68 పాయింట్లు (1.68 శాతం) పుంజుకోగా, నిఫ్టీ 149 పాయింట్లు (1.44 శాతం) పెరిగింది. ఇదిలా ఉండగా, గురువారంనాటి లావాదేవీల్లో ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) నికరంగా రూ. 368.90 కోట్ల విలువయిన షేర్లను కొనుగోలు చేయగా, దేశీయ సంస్థాగత మదుపరులు (డీఐఐలు) రూ. 615.81 కోట్ల విలువయిన షేర్లను విక్రయించారు.
శుక్రవారంనాటి లావాదేవీల్లో సెనె్సక్స్ ప్యాక్‌లోని అదాని పోర్ట్స్ అత్యధికంగా 2.66 శాతం లాభపడింది. విప్రో 2.28 శాతం లాభంతో తరువాత స్థానంలో నిలిచింది. ఇన్ఫోసిస్ నాలుగో త్రైమాసిక ఫలితాలు ఇంకా వెలువడకముందే, ఫలితాల పట్ల సానుకూల అంచనాతో ఉన్న మదుపరులు తాజా కొనుగోళ్లకు పూనుకోవడంతో దాని షేర్ విలువ 0.58 శాతం పెరిగింది. శుక్రవారం లాభపడిన ఇతర సంస్థల్లో కోటక్ బ్యాంక్, కోల్ ఇండియా, డాక్టర్ రెడ్డీస్, బజాజ్ ఆటో, ఎన్‌టీపీసీ, ఇండస్‌ఇండ్ బ్యాంక్, పవర్ గ్రిడ్, ఓఎన్‌జీసీ, ఐసీఐసీఐ బ్యాంక్, ఎల్‌అండ్‌టీ, టీసీఎస్, హెచ్‌డీఎఫ్‌సీ లిమిటెడ్, హెచ్‌డీఎఫ్‌సీ బ్యాంక్ ఉన్నాయి. రిలయన్స్ ఇండస్ట్రీస్ షేర్ విలువ 1.22 శాతం పెరిగింది. గురువారం అమెరికా స్టాక్ మార్కెట్లు లాభాలతో ముగియడంతో దాని సానుకూల ప్రభావంతో చాలా మట్టుకు ఆసియా, ఐరోపా స్టాక్ మార్కెట్లు శుక్రవారం లాభపడ్డాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.