బిజినెస్
చైనా కాన్సులేట్ జనరల్ మా ఝాన్‌వూ
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, ఏప్రిల్ 28: భారత్‌తో స్వేచ్ఛా వాణిజ్య ఒప్పందం (ఎఫ్‌టీఏ)తోనే రెండు దేశాల మధ్య మరింతగా వాణిజ్య విస్తరణ జరుగుతుందని చైనా పేర్కొంది. ‘వర్తకం మరియు పెట్టుబడుల విషయంలో రెండు దేశాల్లో కొన్ని అడ్డంకులు ఉన్నాయని నేను వింటున్నా. స్వేచ్ఛావాణిజ్య ఒప్పందం కుదిరినట్లయితే రెండు దేశాల మధ్య వాణిజ్యపరంగా పరస్పర మార్పిడులకు అవకాశం ఏర్పడుతుంది’ అని కోల్‌కతాలోని చైనా కాన్సులేట్ జనరల్ మా ఝాన్‌వూ అన్నారు. భారత్ ఛాంబర్ ఆఫ్ కామర్స్ ఏర్పాటు చేసిన పరస్పర సంప్రదింపుల సమావేశంలో ఆయన శనివారం మాట్లాడారు. ప్రపంచ దేశాలకు చైనా ఆర్థిక వ్యవస్థను మరింత అందుబాటులోకి తీసుకొస్తామని 2017, అక్టోబర్‌లో జరిగిన 19వ కాంగ్రెస్ ఆఫ్ ది కమ్యూనిస్టు పార్టీ ఆఫ్ చైనా ప్రకటించిందన్న అంశాన్ని ఆయన గుర్తు చేశారు. ‘మేం భారత్‌నుంచి మరిన్ని దిగుమతులు కోరుకుంటున్నాం. ముఖ్యంగా తూర్పు రాష్ట్రాలనుంచి..’ అని ఆయన స్పష్టం చేశారు. విద్యారంగంలో కూడా రెండు దేశాలు పరస్పరం సహకరించుకోవచ్చునన్నారు. ‘చాలా చైనా యూనివర్సిటీలు, భారతీయ విశ్వవిద్యాలయాలతో టై-అప్ అయ్యాయి. మొట్టమొదటి సారి మే నెలలో ఎక్స్‌పో ఆఫ్ చైనీస్ యూనివర్సిటీస్’ జరుగనున్నదని ఆయన వెల్లడించారు.
.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.