బిజినెస్
ఫ్లాట్‌గా ముగిసిన మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 2: దేశీయ స్టాక్ మార్కెట్లు మంగళవారం పటిష్ఠమయిన స్థాయి వద్ద ప్రారంభమయినప్పటికీ, అమెరికా ఫెడరల్ రిజర్వ్ విధాన నిర్ణయం వెలువడనున్న తరుణంలో బలహీనంగా సాగుతున్న ఆసియా మార్కెట్లను అనుసరించి చివరకు ఎదుగూ బొదుగూ లేకుండా ఫ్లాట్‌గా ముగిశాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ క్రితం సెషన్‌తో పోలిస్తే స్వల్పంగా 16 పాయింట్లు పుంజుకోగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 21 పాయింట్లు పడిపోయింది. ముఖ్యంగా టాటా స్టీల్, హెచ్‌యూఎల్, ఎస్‌బీఐ షేర్ల విలువ పడిపోవడంతో నిఫ్టీ దిగజారింది. నాలుగో త్రైమాసికంలో కార్పొరేట్ కంపెనీలు ఆర్జించిన లాభాలు, వాహనాల విక్రయాలు వంటి అంశాలు మదుపరులలో సానుకూలతను పెంపొందించగా, అదే సమయంలో బలహీనపడిపోతున్న రూపాయి, అంతర్జాతీయ మార్కెట్‌లో పెరుగుతున్న ముడి చమురు ధరలు మదుపరులను అప్రమత్తంగా వ్యవహరించేట్లు చేశాయి. సెనె్సక్స్ మంగళవారం ఉదయం సెషన్‌లో 197 పాయింట్లు పుంజుకొని, ఇంట్రా-డేలో 35,357.15 పాయింట్ల గరిష్ఠ స్థాయికి చేరుకుంది. వస్తు, సేవల పన్ను (జీఎస్‌టీ) వసూళ్లు ఏప్రిల్ నెలలో గణనీయంగా పెరగడం కూడా దీనికి దోహదపడింది. అయితే ఇటీవల ధరలు పెరిగిన షేర్లలో మదుపరులు లాభాల స్వీకరణకు పూనుకోవడంతో ఈ సూచీ ఇంట్రా-డేలో 35,072.42 పాయింట్ల కనిష్ట స్థాయికి పడిపోయింది. చివరకు క్రితం ముగింపుతో పోలిస్తే 16.06 పాయింట్ల (0.05 శాతం) పైన, 35,176.42 పాయింట్ల వద్ద ముగిసింది. ఈ సూచీ క్రితం మూడు సెషన్లలో కలిపి 659.09 పాయింట్లు పుంజుకుంది.
నిఫ్టీ మంగళవారం 10,784.65- 10,689.80 పాయింట్ల మధ్య కదలాడింది. చివరకు క్రితం ముగింపుతో పోలిస్తే 21.30 పాయింట్ల (0.20 శాతం) దిగువన 10,718.05 పాయింట్ల వద్ద స్థిరపడింది. ముఖ్యంగా పీఎస్‌యూ, మెటల్ షేర్లు లాభాల స్వీకరణకు గురయ్యాయి. సెనె్సక్స్ ప్యాక్‌లోని షేర్లలో నాలుగో త్రైమాసికంలో మంచి లాభాలు ఆర్జించిన కోటక్ బ్యాంక్ షేర్ ధర మంగళవారం అత్యధికంగా 3.87 శాతం పెరిగి, రూ. 1,257.25 వద్ద ముగిసింది. ఐటీసీ 2.03 లాభంతో రెండో స్థానంలో నిలిచింది. లాభపడిన ఇతర సంస్థల్లో ఆసియన్ పెయింట్స్, హెచ్‌డీఎఫ్‌సీ లిమిటెడ్, హెచ్‌డీఎఫ్‌సీ బ్యాంక్, యాక్సిస్ బ్యాంక్, రిల్, డాక్టర్ రెడ్డీస్ ఉన్నాయి. వాహన రంగంలో బజాజ్ ఆటో షేర్ విలువ 0.31 శాతం పెరిగింది. అయితే మారుతి సుజుకి షేర్ ధర 0.79 శాతం పడిపోయింది. హీరో మోటోకార్ప్, టాటా మోటార్స్, ఎంఅండ్‌ఎం షేర్ల విలువ కూడా పడిపోయింది. సెనె్సక్స్ ప్యాక్‌లోని టాటా స్టీల్ అత్యధికంగా 3.30 శాతం నష్టపోయింది. ఐసీఐసీఐ బ్యాంక్ 2.58 శాతం నష్టపోయింది. నష్టపోయిన ఇతర సంస్థల్లో హెచ్‌యూఎల్, సన్ ఫార్మా, ఎస్‌బీఐ, యెస్ బ్యాంక్, ఇండస్‌ఇండ్ బ్యాంక్, కోల్ ఇండియా, పవర్ గ్రిడ్, విప్రో, టీసీఎస్, ఎన్‌టీపీసీ, అదాని పోర్ట్స్, ఓఎన్‌జీసీ, భారతి ఎయిర్‌టెల్, ఇన్ఫోసిస్ ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.