బిజినెస్
జోరందుకున్న ఇళ్ళ అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 14: గత ఏప్రిల్ నెలలో దేశంలోని ఏడు ప్రధాన నగరాల్లో ఇళ్ల అమ్మకాలు బాగా పెరిగాయి. అంతకు ముందు నెలతో పోలిస్తే 1726 యూనిట్లు పెరిగినట్టు ప్రాపర్టీ కన్సల్టెంట్ ఏఎన్‌ఆర్‌ఓసీకె వెల్లడించింది. ఇదే ఏడు నగరాల్లో మార్చి నెలలో ఇళ్ల అమ్మకాలు 1382 యూనిట్లుగా నమోదయ్యాయి. నేషనల్ కేపిటల్ రీజియన్ (ఎన్‌సీఆర్), ముంబయి మెట్రోపోలిటన్ రీజియన్ (ఎంఎంఆర్), కోల్‌కతా, చెన్నై, బెంగళూరు, హైదరాబాద్, పూణె నగరాల్లో ఇళ్ల అమ్మకాల పోకడలను పరిశీలించిన సంస్థ ఒక నివేదిక విడుదల చేసింది. కేవలం ఒక్క నెల కాలంలో ఢిల్లీ-ఎన్‌సీఆర్ ప్రాంతంలో ఇళ్ల అమ్మకాలు ఒక్కసారిగా జోరందుకోవడం గమనార్హం. అయితే ఏప్రిల్ నెలలో కోల్‌కతా, పూణె నగరాలను మినహాయించి, మిగిలిన వాటిల్లో ఇళ్ల అమ్మకాలు వేగంగా పెరగడం గమనార్హం. ‘వినియోగదారుల్లో నెలకొన్న సానుకూల పరిణామాల నేపథ్యంలో, త్రైమాసికాల వారీగా డిమాండ్ పెరుగుతూ వస్తోందని ఎఎన్‌ఆర్‌ఓసీకె (అనరాక్) చైర్మన్ అనుజ్ పూరి అన్నారు. నేషనల్ క్యాపిటల్ రీజియన్‌లో (ఎన్‌సీఆర్) కేవలం ఒక్కనెలలోనే గృహకొనుగోళ్లు 153 శాతం పెరిగాయి. అదేవిధంగా బెంగళూరు 41%, ఎంఎంఆర్ 29% చొప్పున ఇళ్ల అమ్మకాల పెరుగుదలను నమోదు చేశాయి. అనరాక్ సమాచారం ప్రకారం బెంగళూరులో మార్చి నెలలో 196 యూనిట్లు అమ్మకాలు జరగ్గా, ఏప్రిల్‌లో ఇవి 278 యూనిట్లకు పెరిగాయి. ఇక ఎంఎంఆర్‌లో ఇదే కాలంలో 399 నుంచి 516 యూనిట్లకు అమ్మకాలు పెరిగాయి. ఇక ఎన్‌సీఆర్‌లో ఇళ్ల అమ్మకాలు 96 యూనిట్లనుంచి ఏకంగా 243 యూనిట్లకు చేరుకోవడం గమనార్హం. చెన్నైలో 113 యూనిట్ల నుంచి 219 యూనిట్లకు, హైదరాబాద్‌లో 141 యూనిట్ల నుంచి 219 యూనిట్లకు డిమాండ్ పెరిగింది. కానీ కోల్‌కతాలో 255 యూనిట్లనుంచి 83 యూనిట్లకు, పూణెలో 182 యూనిట్లనుంచి 155 యూనిట్లకు ఇళ్ల అమ్మకాలు పడిపోయాయి. ఇక నూతన హౌజింగ్ సరఫరా విషయానికి వస్తే ఎన్‌ఆర్‌ల్లో అధికంగా నమోదు కాగా, తర్వాతి స్థానాలను హైదరాబాద్, బెంగళూరు, ఎంఎంఆర్‌లు ఆక్రమించాయి. ఎన్‌సీఆర్‌లో మార్చి నెలతో పోలిస్తే, ఏప్రిల్‌లో కొత్త హౌజింగ్ స్టాక్ 59 శాతం పెరిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.