బిజినెస్
స్తబ్దుగా మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, మే 14: దేశం మొత్తం మంగళవారం వెలువడబోయే కర్నాటక ఫలితాలపై దృష్టి కేంద్రీకరించడంతో, ఆ ప్రభావం సోమవారం దేశీయ మార్కెట్లపై పడింది. స్థూల ఆర్థిక డేటా కూడా నిస్తేజంగా ఉన్న ప్రభావం కూడా మార్కెట్లపై చూపింది. ఫలితంగా దేశీయ మార్కెట్లు సోమవారం స్తబ్దుగా ముగిసాయి. కర్నాటకలపై ఎగ్జిట్ పోల్స్ కాంగ్రెస్, భాజపాల మధ్య నువ్వానేనా అన్న రీతిలో పోటీ వున్నట్లుగా చూపాయి. మరోపక్క స్థూల ఆర్థిక రంగానికి వస్తే, టోకుధరల ద్రవ్యోల్బణం ఏప్రిల్‌లో నాలుగునెలల గరిష్టానికి అంటే 3.18 స్థాయికి పెరిగింది. మార్చి నెలలో పారిశ్రామిక ఉత్పత్తి ఐదునెలల కనిష్టం 4.4 శాతానికి చేరుకోవడం మరో పరిణామం. ఈ పరిస్థితుల నేపథ్యంలో సోమవారం ఉదయం సెనె్సక్స్ 35,555.83 వద్ద లాభాల్లో ప్రారంభమైనప్పటికీ రోజంతా ఒడిదుడుకులు ఎదుర్కొంది. ఒక దశలో 35,642.72 గరిష్టానికి చేరుకున్నా అమ్మకాల ఒత్తిళ్ల నేపథ్యంలో 20.92 పాయింట్ల లాభంతో 35,556.71 వద్ద ముగిసింది. ఇక నిఫ్టీ కూడా కేవలం 0.10 పాయింట్లు మాత్రమే పెరిగి 10,806 వద్ద ముగిసింది. సోమవారం నిఫ్టీ 10,834.85, 10.774.75 మధ్య ఊగిసలాడింది. ప్రాథమిక సమాచారం ప్రకారం శుక్రవారం దేశీయ సంస్థాగత మదుపర్లు రూ.1,163.35 కోట్ల మేర కొనుగోళ్లు చేయగా, విదేశీ పోర్టుపోలియో మదుపర్లు రూ.325.44 కోట్ల మేర ఈక్విటీల అమ్మకాలు జరిపారు. ఏప్రిల్ నెలలో టోకు ధరల ద్రవ్యోల్బణం 3.18 శాతానికి చేరుకోవడానికి ప్రధాన కారణం, ఇంధనం, ఆహార ధరలు పెరగడమే. ఇది వినియోగదారుల ధరల సూచి (సీపీఐ)పై ప్రభావం చూపింది. ఇక ప్రభుత్వ రంగ సంస్థలు చమురు ధరలు పెంచడంతో, వాటి షేర్ ధరలు పెరిగాయి. పెట్రోల్ ధరలు లీటర్‌కు 0.17, డీజిల్ ధరలు లీటరుకు రూ.0.21 పెరిగాయి. అంతర్జాతీయ మార్కెట్‌లో పెరిగిన క్రూడాయిల్ ధరాభారాన్ని, చమురు కంపెనీలు ప్రజలపైకి రుద్దడం వల్లనే ఈ ధరల పెరుగుదల చోటుచేసుకుంది.
ఇక బీపీసీఎల్, హెచ్‌పీసీఎల్, ఒఐఎల్‌ల షేర్ ధరలు పెరిగినా, ఇండియన్ ఆయిల్ కార్పొరేషన్ షేర్ ధరలు పడిపోవడం గమనార్హం. ఎన్‌టీపీసీ అధిక లాభాలను నమోదు చేయగా, డాక్టర్ రెడ్డీస్, ఇండస్‌లాండ్ బ్యాంక్, ఎస్‌బీఐ, హీరోమోటో కార్పొరేషన్, పవర్‌గ్రిడ్, ఇన్ఫోసిస్, ఆసియన్ పెయింట్స్, టాటా స్టీల్, హెచ్‌డీఎఫ్‌సీ బ్యాంకు, బజాజ్ ఆటో,హెచ్‌డీఎఫ్‌సీ లిమిటెడ్, సన్‌ఫార్మా, కోటక్ మహేంద్రా లిమిటెడ్, ఐటీసీ, ఒన్‌జీసీల షేర్లు లాభాల్లో కొనసాగాయి.
ఎం అండ్ ఎం, టాటా మోటార్స్, ఎస్ బ్యాంకు, భారతీ ఎయిర్‌టెల్, ఆదాని పోర్ట్స్, టీసీఎస్, కోల్ ఇండియా, ఎల్ అండ్ టీ, ఐసీఐసీఐ బ్యాంకు, ఆర్‌ఐఎల్, మారుతి సుజికి, యాక్సిస్ బ్యాంకు నష్టాలు చవిచూశాయి..
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.