బిజినెస్
గ్రామ పంచాయతీల్లో 5లక్షల వైఫై హాట్ స్పాట్‌లు
S ,7 à 8 RSCA (si SASPAS) et 6 cialis pharmacie cialis rapports de stage.
* అంచనా వ్యయం రూ. 4 వేల కోట్లు * టెండర్లను ఆహ్వానించిన కేంద్రం
న్యూఢిల్లీ, జూన్ 7: దేశవ్యాప్తంగా ఐదు లక్షల వైఫై హాట్‌స్పాట్స్‌ను నెలకొల్పేందుకు కేంద్రం ప్రణాళికను ఆమోదించింది. వీటిని గ్రామ పంచాయితీల్లో ఏర్పాటు చేస్తారు. దీని కోసం రూ. 4వేల కోట్ల అంచనాలతో టెండర్లను ఆహ్వానించారు. ప్రతి గ్రామ పంచాయితీ పరిధిలో వైఫై సేవలు అందించాలని కేంద్రం విధాన నిర్ణయం తీసుకుంది. భారత్ నెట్ ప్రొగ్రాం ఆఫ్ భారత్ బ్రాడ్ బాండ్ నెట్‌వర్క్ లిమిటెడ్ టెక్నాలజీ ద్వారా వైఫై సేవలను అందిస్తారు. ఈ ఏడాది చివరి నాటికి ఈ స్కీంను అన్ని గ్రామ పంచాయితీలకు విస్తరించాలని కేంద్రం నిర్ణయించింది. ఈ వైఫై హాట్ స్పాట్స్‌సేవలను ప్రజలతో పాటు పోలీసు స్టేషన్లు, ప్రాథమిక ఆరోగ్య కేంద్రాలు, పాఠశాలలు, పోస్ట్ఫాసులకు అందిస్తారు. డిజిటల్ టెక్నాలజీ ద్వారా ఈ సేవలను అందిస్తారు. పట్టణ ప్రాంతాల ప్రజలతో సమానంగా గ్రామీణ ప్రజలు టెక్నాలజీ పరంగా అప్‌డేట్ అయ్యేందుకు వైఫై సేవలు ఉపయోగపడుతాయని కేంద్రం భావిస్తోంది. వైఫై చౌపాల్ స్కీం కింద ఇప్పటికే దేశంలో 43వేల వైఫై హాట్ స్పాట్స్‌ను ఏర్పాటు చేశారు. వెయ్యి మంది జనాభా ఉన్న గ్రామ పంచాయితీల్లో ఒక వైఫై హాట్ స్పాట్, 3500 జనాభా ఉన్న పంచాయితీల్లో రెండు హాట్ స్పాట్స్, 7500 జనాభా ఉన్న పంచాయితీల్లో 3 హాట్‌స్పాట్స్, 12వేల జనాభా ఉన్న పంచాయితీల్లో 4 హాట్‌స్పాట్స్, 12వేలు మించి జనాభా ఉన్న పంచాయితీల్లో 5 హాట్‌స్పాట్స్‌ను ఏర్పాటు చేస్తారు. ఒక వైఫై హాట్‌స్పాట్ ఏర్పాటు చేయాలంటే రూ.1.5 లక్షలు ఖర్చవుతుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.