బిజినెస్
లాభాల వైపు మదుపరుల చూపు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: రెండు రోజుల పాటు బాగా బలపడిన దేశీయ స్టాక్ మార్కెట్లు శుక్రవారం మదుపరులు లాభాల స్వీకరణకు పూనుకోవడంతో స్వల్పంగా నష్టపోయాయి. ఇంధన, లోహ, ఎఫ్‌ఎంసీజీ, బ్యాంకింగ్ షేర్లలో మదుపరులు లాభాల స్వీకరణకు పూనుకోవడం వల్ల బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 19 పాయింట్లు పడిపోయి, 35,443.67 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ అతి స్వల్పంగా 0.70 పాయింట్లు తగ్గి 10,767.65 పాయింట్ల వద్ద స్థిరపడింది. కీలకమయిన జీ-7 దేశాల సమావేశం జరుగనున్న తరుణంలో ప్రపంచ వాణిజ్య సంబంధాలలో నెలకొన్న అనిశ్చితి కారణంగా అమెరికా స్టాక్ మార్కెట్లలో మిశ్రమ ధోరణి కనిపించింది. యూరోపియన్ మార్కెట్లు, ఆసియన్ మార్కెట్ల కీలక సూచీలు పడిపోయాయి. సెనె్సక్స్ శుక్రవారం ఉదయం దిగువ స్థాయి వద్ద ప్రారంభమయి, సెషన్‌లో అధిక భాగం ప్రతికూల జోన్‌లోనే కొనసాగింది. ఇంట్రా-డేలో ఒక దశలో 35,260 పాయింట్ల కనిష్ట స్థాయిని తాకింది. అయితే సెషన్ ముగిసే దశకు వచ్చిన సమయంలో కోలుకున్న ఈ సూచీ ఇంట్రా-డేలో 35,484.94 పాయింట్ల గరిష్ఠ స్థాయిని తాకింది. చివరకు క్రితం ముగింపుతో పోలిస్తే 19.41 పాయింట్ల (0.05 శాతం) దిగువన 35,443.67 పాయింట్ల వద్ద ముగిసింది. ఆర్‌బీఐ ద్రవ్య విధాన నిర్ణయాలు వెలువడిన తరువాత ఈ సూచీ క్రితం రెండు సెషన్లలో కలిసి 559.87 పాయింట్లు పుంజుకుంది. నిఫ్టీ శుక్రవారం క్రితం ముగింపుతో పోలిస్తే అత్యల్పంగా 0.70 పాయింట్ల (0.01 శాతం) దిగువన 10,767.65 పాయింట్ల వద్ద స్థిరపడింది. అంతకు ముందు ఇంట్రా-డేలో ఈ సూచీ 10,709.05- 10,779.45 పాయింట్ల మధ్య కదలాడింది. అయితే, ఈ రెండు కీలక సూచీలు కూడా వారం రీత్యా చూస్తే వరుసగా మూడో వారం లాభపడ్డాయి. ఈ వారంలో సెనె్సక్స్ 216.41 పాయింట్లు (0.61 శాతం) పుంజుకోగా, నిఫ్టీ 71.45 (0.67 శాతం) పెరిగింది. ఇదిలా ఉండగా, గురువారం నాటి లావాదేవీలలో ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) నికరంగా రూ. 525.40 కోట్ల విలువయిన షేర్లను విక్రయించగా, దేశీయ సంస్థాగత మదుపరులు (డీఐఐలు) రూ. 1,197.89 కోట్ల విలువయిన షేర్లను కొనుగోలు చేశారు.
సెనె్సక్స్ ప్యాక్‌లోని సన్ ఫార్మా శుక్రవారం అత్యధికంగా 8.13 శాతం లాభపడింది. డాక్టర్ రెడ్డీస్ 4.92 శాతం లాభంతో రెండో స్థానంలో నిలిచింది. లాభపడిన ఇతర సంస్థలలో అరబిందో ఫార్మా, లుపిన్, కాడిలా హెల్త్‌కేర్, గ్లెన్‌మార్క్ ఫార్మా ఉన్నాయి. మరోవైపు, సెనె్సక్స్ ప్యాక్‌లోని పవర్ గ్రిడ్ అత్యధికంగా 2.12 శాతం నష్టపోయింది. నష్టపోయిన ఇతర సంస్థలలో హెచ్‌డీఎఫ్‌సీ లిమిటెడ్, ఐటీసీ, ఆసియన్ పెయింట్స్, ఎంఅండ్‌ఎం, ఎల్‌అండ్‌టీ, భారతి ఎయిర్‌టెల్ ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.