బిజినెస్
మూడు రోజుల లాభాలకు తెర
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూన్ 14: దేశీయ స్టాక్ మార్కెట్ల మూడు రోజుల లాభాలకు తెరపడింది. అమెరికా ఫెడరల్ రిజర్వ్ కీలక వడ్డీ రేట్లను పెంచుతూ తీసుకున్న నిర్ణయం గురువారం స్టాక్ మార్కెట్లపై ప్రతికూల ప్రభావం చూపింది. దీంతో పాటు మే నెలలో టోకు ధరల ఆధారిత (డబ్ల్యూపీఐ) ద్రవ్యోల్బణం 14 నెలల గరిష్ఠ స్థాయిలో 4.43 శాతం నమోదు కావడం మార్కెట్ సెంటిమెంట్‌ను మరింత దెబ్బతీసింది. 2017-18 ఆర్థిక సంవత్సరంలో దేశ స్థూల జాతీయోత్పత్తి (జీడీపీ)లో కరెంటు ఖాతా లోటు (సీఏడీ) మూడింతలకు (1.9 శాతం) పైగా 48.7 బిలియన్ డాలర్లకు పెరగడం కూడా మార్కెట్ సెంటిమెంట్‌ను దెబ్బతీసింది. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ గురువారం 139 పాయింట్లు పడిపోయి 35,599.82 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 48.65 పాయింట్లు తగ్గి 10,808.05 పాయింట్ల వద్ద స్థిరపడింది. అమెరికా ఫెడరల్ రిజర్వ్ బుధవారం తన కీలక వడ్డీ రేట్లను 0.25 శాతం పెంచిన తరువాత ప్రపంచ స్టాక్ మార్కెట్లలో నిస్తేజం అలుముకుంది. అమెరికాలో వడ్డీ రేట్లు పెరగడం ఈ సంవత్సరం ఇది రెండోసారి.
ఈ సంవత్సరం మరో రెండుసార్లు, వచ్చే సంవత్సరం నాలుగుసార్లు వడ్డీ రేట్లు పెరుగుతాయనే సంకేతాలు కూడా ఈ వడ్డీ రేట్ల పెరుగుదల వల్ల వెలువడ్డాయి. ఐరోపా సెంట్రల్ బ్యాంక్ ద్రవ్య విధాన నిర్ణయాల కోసం కూడా మదుపరులు వేచిచూస్తున్నారు.
సెనె్సక్స్ గురువారం కాస్త మెరుగ్గా ప్రారంభమయి, మరింత ముందుకు సాగుతూ 35,749.88 పాయింట్ల గరిష్ఠ స్థాయిని తాకింది. అయితే, ఇతర ఆసియా మార్కెట్లలో బలహీన ధోరణి నెలకొనడంతో దాని ప్రతికూల ప్రభావం కారణంగా పడిపోవడం ప్రారంభించింది. చివరకు క్రితం ముగింపుతో పోలిస్తే 139.34 పాయింట్ల (0.39 శాతం) దిగువన, 35,599.82 పాయింట్ల వద్ద ముగిసింది. ఈ సూచీ క్రితం మూడు సెషన్లలో కలిసి 295.49 పాయింట్లు పుంజుకుంది. నిఫ్టీ కూడా గురువారం 48.65 పాయింట్లు (0.45 శాతం) తగ్గి, 10,808.05 పాయింట్ల వద్ద ముగిసింది. అంతకు ముందు ఈ సూచీ 10,773.55- 10,833.70 పాయింట్ల మధ్య కదలాడింది. ఇదిలా ఉండగా, ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) బుధవారం నికరంగా రూ. 70.77 కోట్ల విలువయిన షేర్లను విక్రయించగా, దేశీయ సంస్థాగత మదుపరులు (డీఐఐలు) రూ. 486.78 కోట్ల విలువయిన షేర్లను కొనుగోలు చేశారు.సెనె్సక్స్ ప్యాక్‌లోని సంస్థలలో ఐసీఐసీఐ బ్యాంక్ గురువారం అత్యధికంగా 2.11 శాతం నష్టపోయింది. టీసీఎస్ 1.75 శాతం నష్టంతో రెండో స్థానంలో నిలిచింది. నష్టపోయిన ఇతర సంస్థలలో అదాని పోర్ట్స్, ఎస్‌బీఐ, యాక్సిస్ బ్యాంక్, ఎన్‌టీపీసీ, ఓఎన్‌జీసీ, ఎల్‌అండ్‌టీ, విప్రో, టాటా మోటార్స్, బజాజ్ ఆటో, ఇన్ఫోసిస్ ఉన్నాయి. మరోవైపు సన్ ఫార్మా 2.57 శాతం లాభపడింది. యెస్ బ్యాంక్ 1.17 శాతం లాభంతో తరువాత స్థానంలో నిలిచింది. లాభపడిన ఇతర సంస్థలలో ఇండస్‌ఇండ్ బ్యాంక్, డాక్టర్ రెడ్డీస్, రిల్, ఎంఅండ్‌ఎం, టాటా స్టీల్ ఉన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.