బిజినెస్
మళ్లీ బలపడిన మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 3: రూపాయి విలువ పుంజుకోవడంతో పాటు దేశీయ సంస్థాగత మదుపరుల నుంచి అందిన కీలక కొనుగోళ్ల మద్దతుతో దేశీయ స్టాక్ మార్కెట్లు మంగళవారం బలపడ్డాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 114 పాయింట్లకు పైగా పెరిగి, 35,378.60 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 42 పాయింట్లు పుంజుకొని, దాదాపు 10,700 పాయింట్ల వద్ద స్థిరపడింది. దేశీయ స్టాక్ మార్కెట్లకు ఊతమిచ్చే విషయంలో ప్రపంచ పరిణామాలు మిశ్రమంగా ఉండగా, మదుపరులు ఇటీవల ధరలు పడిపోయిన షేర్లను కొనుగోలు చేయడం వల్ల దేశీయ మార్కెట్ కీలక సూచీలు పుంజుకోగలిగాయి. దీంతో పాటు డాలర్‌తో పోలిస్తే రూపాయి విలువ రికార్డు కనిష్ట స్థాయిల నుంచి కోలుకోవడం మార్కెట్ సెంటిమెంట్‌ను బలోపేతం చేసింది. బీఎస్‌ఈ సెనె్సక్స్ మంగళవారం ఉదయం బలహీనమయిన స్థాయి వద్ద ప్రారంభమయినప్పటికీ, ఫార్మా, ఐటీ స్టాక్‌లకు లభించిన కొనుగోళ్ల మద్దతు కారణంగా ఇంట్రా-డేలో 35,445.21 పాయింట్ల గరిష్ఠ స్థాయిని తాకింది. చివరకు క్రితం ముగింపుతో పోలిస్తే 114.19 పాయింట్ల (0.32 శాతం) పైన 35,378.60 పాయింట్ల వద్ద ముగిసింది. ఈ సూచీ క్రితం సెషన్‌లో 159 పాయింట్లు పడిపోయింది. ఎన్‌ఎస్‌ఈ నిఫ్టీ కూడా క్రితం ముగింపుతో పోలిస్తే మంగళవారం 42.60 పాయింట్లు (0.40 శాతం) పుంజుకొని, 10,699.90 పాయింట్ల వద్ద ముగిసింది. అంతకు ముందు ఈ సూచీ 10,630.25- 10,713.30 పాయింట్ల మధ్య కదలాడింది. సన్ ఫార్మా, మారుతి సుజుకి, ఇన్ఫోసిస్, ఓఎన్‌జీసీ, కోటక్ బ్యాంక్, ఐటీసీ, టాటా స్టీల్, టాటా మోటార్స్, రిల్, టీసీఎస్, బజాజ్ ఆటో, హీరో మోటోకార్ప్, ఎన్‌టీపీసీ, ఎంఅండ్‌ఎం, భారతి ఎయిర్‌టెల్, హెచ్‌డీఎఫ్‌సీ లిమిటెడ్, ఇండస్‌ఇండ్ బ్యాంక్, విప్రో షేర్లు మంగళవారంనాటి లావాదేవీలలో లాభాలతో ముగిశాయి. మరోవైపు, వేదాంత, ఐసీఐసీఐ బ్యాంక్, ఎస్‌బీఐ, పవర్ గ్రిడ్, యెస్ బ్యాంక్, అదాని పోర్ట్స్, హెచ్‌యూఎల్ షేర్లు నష్టపోయాయ.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.