బిజినెస్
రూ. 6,416 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 7: గతంలో ఆదాయపు పన్ను రిటర్న్ (ఐటీఆర్)లు దాఖలు చేయని 2.09 లక్షల మంది తొలిసారి 2017-18 ఆర్థిక సంవత్సరంలో రిటర్న్‌లు దాఖలు చేయడంతో పాటు రూ. 6,416 కోట్లు ఆదాయపు పన్ను (ఐటీ) రూపంలో చెల్లించారని కేంద్ర ఆర్థిక శాఖ సహాయ మంత్రి శివప్రతాప్ శుక్లా తెలిపారు. రాజ్యసభలో మంగళవారం ఒక ప్రశ్నకు ఇచ్చిన రాతపూర్వక సమాధానంలో ఆయన ఈ విషయం వెల్లడించారు.
పెద్ద నోట్ల రద్దు తరువాత తమ బ్యాంకు ఖాతాల్లో రూ. పది లక్షలకు పైగా మొత్తాన్ని డిపాజిట్ చేసుకొని, ఆదాయపు పన్ను రిటర్న్‌లు దాఖలు చేయని 3.04 లక్షల మందికి ఆదాయపు పన్ను శాఖ నోటీసులు జారీ చేసిందని మంత్రి చెప్పారు. ఫలితంగా ‘నాన్ ఫైలర్స్’ (ఆదాయపు పన్ను రిటర్న్‌లు దాఖలు చేయని వారు)గా గుర్తించిన వారిలో 2.09 లక్షల మంది ‘సెల్ఫ్ అసెస్‌మెంట్ టాక్స్’గా రూ. 6,416 కోట్లు చెల్లించారు’ అని శుక్లా వివరించారు.
ప్రణాళికాబద్ధంగా చేసిన ప్రచారం వల్ల గత ఆర్థిక సంవత్సరం ప్రత్యక్ష పన్నుల వసూళ్లు 18 శాతం పెరిగి, రూ. 10.03 లక్షల కోట్లకు చేరుకున్నాయని మంత్రి వెల్లడించారు. అలాగే, పర్సనల్ అడ్వాన్స్ టాక్స్ 23.4 శాతం, పర్సనల్ అసెస్‌మెంట్ టాక్స్ 29.9 శాతం చొప్పున పెరిగాయని ఆయన తెలిపారు. పెద్ద నోట్ల రద్దు తరువాత జరిగిన అవకతవకలకు సంబంధించి ఎన్‌ఫోర్స్‌మెంట్ డైరెక్టరేట్ (ఈడీ) మనీలాండరింగ్ నిరోధక చట్టం- 2002 కింద 37 కేసులు నమోదు చేసిందని ఆయన పేర్కొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.