బిజినెస్
ముంచిన మొండి బకాయిలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 10: దేశంలోనే అతి పెద్ద బ్యాంక్ అయిన స్టేట్ బ్యాంక్ ఆఫ్ ఇండియా (ఎస్‌బీఐ)ను మొండి బకాయిలు తీవ్ర స్థాయిలో దెబ్బతీశాయి. ఎస్‌బీఐ శుక్రవారం ప్రకటించిన ఏప్రిల్-జూన్ త్రైమాసిక ఫలితాలలో భారీగా రూ. 4,876 కోట్ల నికర నష్టాలను మూటగట్టుకుంది. ఎస్‌బీఐ గత ఆర్థిక సంవత్సరం ఏప్రిల్-జూన్ త్రైమాసికంలో రూ. 2,006 కోట్ల నికర లాభాలను ఆర్జించింది. బ్యాంకు ఈ మేరకు నియంత్రణ సంస్థ సెబీకి సమర్పించిన పత్రాలలో ఈ విషయం పేర్కొంది. మొండి బకాయిల కారణంగా ఈ ఆర్థిక సంవత్సరం తొలి త్రైమాసికంలో నష్టాల్లో కూరుకుపోయింది. అయితే, గత ఆర్థిక సంవత్సరం తొలి త్రైమాసికంతో పోలిస్తే ఈ ఆర్థిక సంవత్సరం అదే కాలంలో బ్యాంకు ఆదాయం మాత్రం పెరిగింది. 2017-18 తొలి త్రైమాసికంలో రూ. 62,911.08 కోట్ల ఆదాయం పొందిన ఎస్‌బీఐ, 2018-19 తొలి త్రైమాసికంలో దాన్ని రూ. 65,492.67 కోట్లకు పెంచుకుంది. ఈ సంవత్సరం జూన్ నాటికి బ్యాంకు మొత్తం అడ్వాన్స్‌లలో నిరర్ధక ఆస్తులు (ఎన్‌పీఏ) 10.69 శాతానికి పెరిగాయి. గత సంవత్సరం జూన్ నాటికి బ్యాంక్ మొత్తం అడ్వాన్స్‌లలో నిరర్ధక ఆస్తులు 9.97 శాతం ఉన్నాయి. అయితే, నికర నిరర్ధక ఆస్తులు మాత్రం స్వల్పంగా తగ్గాయి. 5.97 శాతం ఉన్న నికర నిరర్ధక ఆస్తులు 5.29 శాతానికి తగ్గాయి.
అయిదు శాతం తగ్గిన షేర్ల విలువ
జూన్ త్రైమాసికంలో భారీగా నష్టాలు రావడం వల్ల స్టాక్ మార్కెట్‌లో శుక్రవారం ఎస్‌బీఐ షేర్ల విలువ దాదాపు అయిదు శాతం పడిపోయింది. దీంతో బ్యాంకు మార్కెట్ విలువ (ఎంక్యాప్) రూ. 10,708.93 కోట్లు తగ్గింది. బీఎస్‌ఈలో ఎస్‌బీఐ షేర్ విలువ 3.79 శాతం పడిపోయి, రూ. 304.45 వద్ద ముగియగా, ఎన్‌ఎస్‌ఈలో 4.85 శాతం పడిపోయి, రూ. 301.10 వద్ద స్థిరపడింది. ఫలితంగా ఎస్‌బీఐ మార్కెట్ విలువ శుక్రవారం రూ. 10,708.93 కోట్లు పడిపోయి, రూ. 2,71,709.07 కోట్లకు చేరింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.