బిజినెస్
50 నగరాల్లో ఇంటింటికీ గ్యాస్ సరఫరా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 8: రిటైల్ సీఎన్‌జీ, పైపుల ద్వారా సహజవాయువు సరఫరాకు సంబంధించి 50 నగరాల్లో వౌలిక సదుపాయాల ఏర్పాటుపై పెట్రోలియం, నేచురల్‌గ్యాస్ రెగ్యులేటరీ బోర్డు (పీఎన్‌జీఆర్‌బీ) బిడ్డింగ్‌లను ఆహ్వానించింది. ఈ నగరాల్లో గ్వాలియార్, మైసూరు, ఆజ్మీర్, హౌరా నగరాలు ఉన్నయి. ఎంపిక చేసిన సంస్థలకు సిటీ గ్యాస్ లైసెన్సులను మంజూరు చేస్తారు. ఒక్కో నగరం పరిసరాల్లోని జిల్లాలకు కూడా సీఎన్‌జీ, నేచురల్ గ్యాస్‌ను సరఫరా చేస్తారు. వచ్చే ఏడాది ఫిబ్రవరి 5వ తేదీలోగా బిడ్స్‌ను దాఖలు చేయాల్సి ఉంటుంది. సీఎన్‌జీ స్టేషన్లు, వంట గ్యాస్ సరఫరాకు అవసరమైన స్టేషన్లను నెలకొల్పేందుకు అవసరమైన ప్రాంతాలు, వాటి సంఖ్యపై సంస్థలు వివరాలను పీఎన్‌జీఆర్‌బీకి తెలియచేయాల్సి ఉంటుంది.
ఈ సంస్థలు పైపు లైన్ల పొడువు, జనాభాకు తగ్గట్టుగా నిర్మించదలచిన స్టేషన్ల సంఖ్య వివరాలను తెలియచేయాలి. 22 రాష్ట్రాల్లో 174 జిల్లాలకు సీఎన్‌జీ, కుకింగ్ గ్యాస్ సరఫరా జరిగే విధంగా పైపులైన్లను నిర్మించాల్సి ఉంటుంది. 2020 నాటికి ఒక కోటి మందికి కుకింగ్ గ్యాస్‌ను పైప్‌లైన్లద్వారా సరఫరా చేయాలని కేంద్రం లక్ష్యంగా పెట్టుకుంది. పదవ రౌండ్‌లో నెల్లూరు, ముజఫర్‌పూర్, కైతాల్, మైసూరు, గుల్బర్గా, అల్లపుజ, కొల్లం, ఉజ్జయిని, గ్వాలియార్, మొరీనా, ఝాన్సీ, బస్తి, ఫిరోజ్‌పూర్, హోషియార్‌పూర్, పంజాబ్, ఆజ్మీర్, జాలర్, నైనీటాల్, డార్జిలింగ్, హౌరా నగరాలను ఎంపిక చేయనున్నారు. 50 లక్షల జనాభా ఉన్న ప్రాంతాలకు సంబంధించి బిడ్స్‌ను దాఖలు చేసే సంస్థకు టర్నోవర్ రూ.150 కోట్ల టర్నోవర్ ఉండాలి. అదే 20-50 లక్షల జనాభా ఉన్న ప్రాంతాలకు బిడ్స్ దాఖలు చేసే సంస్థకు టర్నోవర్ వంద కోట్ల రూపాయలుండాలి. ఎంపిక చేసిన సంస్థ 270 రోజుల్లోపల ఫైనాన్షియల్ క్లోజర్‌ను సమర్పించాల్సి ఉంటుంది. బిడ్స్‌లో అర్హత సాధించిన సంస్థకు ఎనిమిదేళ్ల పాటు కాంట్రాక్టు అమలులో ఉంటుంది. 9వ రౌండ్‌లో గౌతమ్ అదానీ గ్రూప్, ప్రభుత్వ పరిధిలోని ఇండియన్ ఆయిల్ కార్పోరేషన్, భారత్ పెట్రోలియం కార్పోరేషన్, టారెంట్ గ్యాస్ సంస్థలు అర్హత సాధించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.