బిజినెస్
వెరిజోన్ చేతికి యాహూ?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, జూలై 23: అమెరికా టెలికామ్ దిగ్గజం వెరిజోన్ కమ్యూనికేషన్స్.. ఇంటర్నెట్ దిగ్గజం యాహూను కొనుగోలు చేస్తోందా? 5 బిలియన్ డాలర్లకు యాహూను చేజిక్కించుకుంటోందా?. గూగుల్, ఫేస్‌బుక్ ధాటికి తట్టుకోలేకపోయిన యాహూ తమ వ్యాపారాన్ని అమ్మకానికి పెట్టినది తెలిసిందే. దీంతో యాహూను సొంతం చేసుకునేందుకు ప్రముఖ సంస్థలు పోటీపడగా, వెరిజోన్‌తోపాటు ఎటిఅండ్‌టి-క్వికెన్ లోన్స్ వ్యవస్థాపకుడు డాన్ గిల్బర్ట్, విక్టర్ క్యాపిటల్ మేనేజ్‌మెంట్, టిపిజి సంస్థల మధ్య గట్టి పోటీ నెలకొంది. అయితే వెరిజోన్ కమ్యూనికేషన్స్ ఈ రేసులో ముందుండగా, 5 బిలియన్ డాలర్లతో (ప్రస్తుతం భారత కరెన్సీ విలువ ప్రకారం 33,500 కోట్ల రూపాయలు) యాహూ కోర్ ఇంటర్నెట్ బిజినెస్ కొనుగోలుకు వెరిజోన్ సంసిద్ధత వ్యక్తం చేసినట్లు తెలుస్తోంది. దీనికి సంబంధించి చర్చలు జరుగుతున్నాయి. కాగా, యాహూ పేటెంట్స్ ఈ డీల్‌లో లేవని పేరు చెప్పడానికి ఇష్టపడని సంబంధిత వర్గాలు పేర్కొంటున్నాయి. దీనికి సంబంధించి ఇంకా చర్చలు జరుగుతున్నాయన్న సదరు వ్యక్తులు.. యాహూ రియల్ ఎస్టేట్ తదితర ఇతర ఆస్తులు డీల్‌లో ఉన్నాయని స్పష్టం చేశారు. ఇప్పటివరకైతే ఎలాంటి ఒప్పందాలు ఇరు సంస్థల మధ్య జరగలేదని, వీలైనంత త్వరలోనే జరగవచ్చని చెప్పారు. ఇదిలావుంటే దీనిపై స్పందించేందుకు వెరిజోన్ వర్గాలు నిరాకరించాయి. మరోవైపు యాహూ వర్గాలు అందుబాటులో లేవు. ఇకపోతే యాహూ కొనుగోలు వెరిజోన్ ఎఒఎల్ ఇంటర్నెట్ బిజినెస్‌కు ఊపునిస్తుందన్న అంచనాలు వ్యక్తమవుతున్నాయి. ఎఒఎల్‌తో వెరిజోన్ ఆధ్వర్యంలోని కొత్త యాహూ.. ఇంటర్నెట్ రంగాన్ని ఏలుతున్న గూగుల్, ఫేస్‌బుక్‌లకు గట్టి పోటీనే ఇవ్వగలదన్న అభిప్రాయాలు వినిపిస్తున్నాయి. అంతేగాక వెరిజోన్ డీల్ కుదిరితే యాహూ అడ్వర్టైజింగ్ టెక్నాలజీ పరికరాల వినియోగానికి ఎఒఎల్‌కు అనుమతి కూడా లభిస్తుంది. ఎఒఎల్‌ను నిరుడు 4.4 బిలియన్ డాలర్లతో వెరిజోన్ కొనుగోలు చేసింది. ఫ్లికర్, టంబ్లర్, యాహూ ఫైనాన్స్, స్పోర్ట్స్ తదితర వెబ్‌సైట్లను కలిగి ఉన్న యాహూకు మిలియన్ల సంఖ్యలో యూజర్లున్నది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.