రాష్ట్రీయం
పరిశ్రమలతో అనుసంధానం కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, డిసెంబర్ 10: విశ్వవిద్యాలయాల్లో పరిశ్రమలకు అవసరమైన పరిశోధనలు జరగాలని టాటా ట్రస్టు చైర్మన్ రతన్ టాటా అభిప్రాయపడ్డారు. ఆంధ్ర విశ్వవిద్యాలయం పూర్వ విద్యార్థుల సమావేశంలో భాగంగా విశాఖలో సోమవారం జరిగిన కార్యక్రమంలో ఆయన మాట్లాడుతూ విశ్వవిద్యాలయాలకు పరిశ్రమలతో అనుసంధానత పెరగడం ద్వారా వారికి అవసరమైన విధంగా వనరులను అభివృద్ధి చేసుకునేందుకు దోహదపడుతుందన్నారు. విద్యా వ్యవస్థను వాణిజ్య విఫణితో అనుసంధానించడం, చేరువ చేయడం జరగాలన్నారు. విఖ్యాత ఆంధ్ర విశ్వవిద్యాలయానికి టాటా గ్రూపు ఏ విధంగా సాయపడగలదో సమగ్ర సమీక్ష అనంతరం నిర్ణయం తీసుకుంటామన్నారు. కలిసి పరిశోధనల్లో పాలుపంచుకునేందుకు టాటా గ్రూపు సిద్ధమేనని, ఏఏ రంగాల్లో ముందుకు సాగవచ్చో సంస్థ సభ్యులతో చర్చించి నిర్ణయం ప్రకటిస్తామని హామీ ఇచ్చారు. అనలటిక్స్ తదితర అంశాల్లో వివిధ రంగాలకు చెందిన సంస్థలతో కలిసి పనిచేయాలన్నారు. ఏయూ పూర్వ విద్యార్థుల సమావేశంలో పాల్గొనడం అపూర్వ గుర్తుగా పదిలపరచుకుంటానని చెప్పారు. మానవ వనరుల శాఖ మంత్రి గంటా శ్రీనివాసరావు మాట్లాడుతూ ఏయూను ప్రపంచ స్థాయి ప్రమాణాలతో తీర్చిదిద్దేందుకు అవసరమైన చర్యలు తీసుకుంటున్నామన్నారు. ఏయూ పూర్వవిద్యార్థుల సంఘం అందించే సాయానికి అంతే మొత్తం మ్యాచింగ్ గ్రాంటుగా ప్రభుత్వం తరపున ఇచ్చేందుకు సీఎం అంగీకరించారన్నారు. ఈ నాటి ముఖ్యఅతిధి రతన్ టాటా పేరిట ప్రతి ఏటా ప్రతిభను కనబరిచే విద్యార్థికి బంగారు పతక బహుకరణ, ఎండోమెంట్ లెక్చర్ ఏర్పాటు చేయనున్నట్టు ప్రకటించారు.
విశాఖ ఎంపీ కంభంపాటి హరిబాబు మాట్లాడుతూ విభజిత ఆంధ్రప్రదేశ్‌లో విశాఖ రాజకీయ రాజధాని కాకపోయినా విద్య, పర్యాటక, పారిశ్రామిక, సాంస్కృతిక రాజధానిగా వెలుగొందుతోందన్నారు. ఏయూ పూర్వవిద్యార్థుల సంఘం అధ్యక్షుడు జీఎం రావు మాట్లాడుతూ పారిశ్రామిక అవసరాల కు అనుగుణమైన కోర్సులు పెరగాల్సి ఉందన్నారు. భవిష్యత్ మొత్తం సాంకేతికతకు ఆగ్రాసనం వేస్తుందన్నారు.
చిత్రం..ఏయూ పూర్వ విద్యార్థుల సమావేశంలో మాట్లాడుతున్న టాటా గ్రూప్ అధినేత రతన్ టాటా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.