బిజినెస్
మరింత బొగ్గు ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, జనవరి 13: విద్యుత్ ఉత్పత్తిలో నిర్ధారిత లక్ష్యాలను చేరుకోవాలంటే, మరింత బొగ్గు అవసరమవుతుందని, ప్రస్తుతం ఉన్న లోటును భర్తీ చేసే విధంగా సరఫరా చేయాలని నేషనల్ కోల్‌ఫీల్డ్స్ లిమిటెడ్ (ఎన్‌సీఎల్)ను ఎన్‌టీపీసీ కోరుతున్నది. ప్రభుత్వ రంగ సంస్థ అయిన ఎన్‌టీపీసీ చైర్మన్, మేనేజింగ్ డైరెక్టర్ గుర్‌దీప్ సింగ్ ఈ విషయాన్ని ధ్రువీకరించారు. ప్రాంతీయ అవసరాల కోసం సరళీకృత బొగ్గు వినియోగం పథకం కింద ఎక్కువ మొత్తంలో బొగ్గును సరఫరా చేయాలని ఆయన ఆదివారం విడుదల చేసి న ఒక ప్రకటనలో ఎన్‌సీఎల్‌ను కోరారు. ఎన్‌టీపీసీ ఆధ్వర్యంలో నడుస్తున్న విద్యాంచల్ సూపర్ థర్మల్ పవర్ స్టేషన్ (ఎస్‌టీపీఎస్)కు బొగ్గును సరఫరా చ్తేన్న నిగాహీ కోల్ మైన్‌ను ఆయన ఇటీవల సందర్శించారు. ఆ బొగ్గు గని నిర్వాహణ బాధ్యత లు చూస్తున్న ఎన్‌సీఎల్‌ను ఫ్లెక్సీ యుటిలైజేషన్ పథకం కింద సరఫరాను పెంచాలని ఆయన కోరారు. దేశంలోనే అత్యధిక మొత్తంలో విద్యుత్‌ను సరఫరా చేయగల సామర్థ్యం వౌదా థర్మల్ పవర్ స్టేషన్ (ఎంటీపీఎస్)కు ఉంది. ఎన్‌టీపీసీ పర్యవేక్షణలోని ఈ థర్మల్ ప్లాంట్ పూర్తి సామ ర్థ్యం 2,320 మెగావాట్స్‌కాగా, ప్రస్తుతం అందులో సుమారు సగం మాత్రమే ఉత్పత్తి చేస్తున్నది. ఇది పూర్తి సామర్థ్యంతో పని చేసి, లక్ష్యాల మేరకు విద్యుత్‌ను ఉత్పత్తి చేయాలంటే, అధిక మొత్తంలో బొగ్గు అవసరమవుతుంది. దేశీయ అవసరాలకు ఉద్దేశించింది కాబట్టి, ఎంటీపీఎస్‌కు బొగ్గు సరఫరాను పెంచాలని ఎన్‌టీపీసీ కోరుతున్నది. దీనిపై ఎన్‌సీఎల్ ఎలా స్పందిస్తుందో చూడాలి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.