బిజినెస్
ఫోరెక్స్‌లో ఆర్‌బీఐ జోక్యం!
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 13: కేంద్ర ప్రభుత్వ ఒత్తిడో లేక తమకు స్వతంత్ర ప్రతిపత్తి ఉందని నిరూపించుకోవడానికి చేసే ప్రయత్నమో తెలియదుగానీ, ఫోరెక్స్ మార్కెట్‌లో ఆర్‌బీఐ జోక్యం పెరిగిపోయింది. ఒక ఏడాది కాలంలో కొనుగోలు చేసిన డాలర్ల కంటే అమ్మిన డాలర్ల విలువ ఎక్కువగా ఉన్నప్పుడు, అలాంటి అమ్మకాలు జరిగిన సంస్థ లేదా వ్యక్తిని నెట్ సెల్లర్ అంటారు. ఫోరెక్స్ మార్కెట్‌లో నెట్ సెల్లర్స్ జాబితాను పరిశీలిస్తే, గత ఏడాది చివరిలో భారత్ నెంబర్ వన్ స్థానంలో దర్శనమిస్తుంది. గత ఏడాది నవంబర్ మాసంలో ఆర్‌బీఐ 644 మిలియన్ డాలర్లను నెట్ మార్కెట్‌లో అమ్మింది. తాజా నివేదికను అనుసరించి ఆర్‌బీఐ 3.127 బిలియన్ డాలర్లను స్పాట్ మార్కెట్‌లో కొనుగోలు చేసింది. 3.771 డాలర్లను అమ్మింది. రూపాయి మారకపు విలువ తగ్గడానికి ఇది కూడా ఒక కారణం. మారకం రేటు కొంత మెరుగు పడిన వెంటనే, డాలర్ల అమ్మకానికి ఆర్‌బీఐ తెరతీస్తున్నది. ఫోరెక్స్ మార్కెట్‌ను ఈ జోక్యమే అతలాకులం చేస్తున్నది. ప్రైవేటు సంస్థలుగానీ, వ్యక్తులుగానీ ఫోరెక్స్ మార్కెట్‌లో ట్రేడింగ్‌కు వెనుకంజ వేసే పరిస్థితి నెలకొంది. ఈ ఆర్థిక సంవత్సరంలోనే ఆర్‌బీఐ నంబర్ వన్ నెట్ సెల్లర్‌గా మారింది. గత ఏడాది అక్టోబర్‌లో కూడా ఆర్‌బీఐ డాలర్లను అమ్మింది. కొనుగోలు చేసింది 945 మిలియన్ డాలర్లుకాగా, అమ్మిన మొత్తం 8.149 బిలియన్ డాలర్లు. అధికారికంగా రూపాయికి మారకపు విలువను ఆర్‌బీఐ నిర్ధారించలేదు. అందుకే, రూపాయి విలువను పెంచడానికి ఆర్‌బీఐ డాలర్ల అమ్మకాన్ని చేపడుతుంది. తద్వారా డాలర్ విలువను తగ్గుతుంది. రూపాయి మారకపు విలువ పెరుగుతుంది. అయితే, పరిమితికి మించి అమ్మకాలు కొనసాగించడంతో డాలర్‌కు రూపాయి రేటు అనిశ్చితి మధ్య కొనసాగుతున్నది. ఈ పరిస్థితి స్టాక్ మార్కెట్‌ను నష్టాల్లోకి నెట్టేస్తున్నది. ఆర్‌బీఐ రూపాయి మారకపు రేటును అధికారికంగా ప్రకటించి, దానిని నిలకడగా ఉంచేందుకు చర్యలు తీసుకోవాలి. లేదా ఫోరెక్స్ మార్కెట్‌లో జోక్యం చేసుకోకుండా, లావాదేవీలను ఎప్పటిప్పుడు పరిశీలిస్తూ, అత్యవసర సమయాల్లో రంగంలోకి దిగాలి. కానీ, అందుకు భిన్నంగా ఆర్‌బీఐ ప్రత్యక్షంగా ఫోరెక్స్ మార్కెట్‌లో జోక్యం చేసుకొని, రూపాయి విలువ పతనానికి కారణమవుతున్నదని విమర్శకుల అభిప్రాయం. రూపాయి విలువ నిలకడ లేకుండా క్షణక్షణానికి మారిపోవడానికి ఇదే ప్రధాన కారణమని వారు అంటున్నారు. డాలర్లను భారీగా అమ్మడం ఒక్కటే రూపాయి విలువను పెంచేందుకు మార్గమన్న ఆలోచనను ఆర్‌బీఐ విరమించుకొని ప్రత్యామ్నాయ మార్గాలను అనే్వషించాలని సూచిస్తున్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.