బిజినెస్
పన్ను చెల్లింపు డిమాండ్‌పై సిద్ధార్ధ, కాఫీ డేల వాటాలను స్తంభింపజేసిన ఐటీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 26: ప్రభుత్వానికి పన్ను చెల్లించాలన్న డిమాండ్‌తో మైండ్‌ట్రీలో వీజీ సిద్ధార్ధ, కాఫీ డే ఎంటర్‌ప్రైజెస్ లిమిటెడ్ సంస్థలకు చెందిన కొన్ని వాటాలను ఐటీ శాఖ స్తంభింపజేసింది. ఐటీ శాఖ తీసుకున్న తాజా నిర్ణయం బెంగళూరు కేంద్రంగా గల కేఫ్ కాఫీ డే వ్యవస్థాపకులపై తీవ్ర ప్రభావం చూపనుంది. మైండ్‌ట్రీలో వీజీ సిద్ధార్ధకు 21 శాతం వాటాలు ఉన్నాయి. ఇందులోని కొన్ని షేర్లను ఐటీ కంపెనీలకు విక్రయించాలని నిర్ణయించింది. ఇదే విషయాన్ని బీఎస్‌ఈకి సైతం శనివారం తెలియజేసింది. అయితే, ఆ రెండు సంస్థలు పన్ను చెల్లించాలన్న డిమాండ్‌తో 281బీ సెక్షన్ కింద తమ వాటాలను స్తంభింపజేస్తున్నట్టు బెంగళూరులోని ఐటీ డిపార్ట్‌మెంట్ నోటీసు జారీ చేసిన విషయాన్ని మైండ్‌ట్రీ తెలిపింది. కాఫీ డే ఎంటర్‌ప్రైజెస్‌కు 22.2 లక్షల ఈక్విటీ షేర్లు, సిద్ధార్ధకు 52.7 లక్షల ఈక్విటీ షేర్లు ఉన్నాయి. ఐటీ శాఖ తీసుకున్న తాజా నిర్ణయం వల్ల ఈనెల 25 నుంచి మరో ఆరు నెలల కాలం పాటు ఆ రెండు సంస్థలు ఎలాంటి వాటాల క్రయవిక్రయాలు జరపడంపై నిషేధం అమల్లో ఉంటుంది.
గత ఏడాది డిసెంబర్‌లో ముగిసిన క్వార్టర్‌కు నాటికి మైండ్‌ట్రీలో సిద్ధార్ధ 54.69 లక్షల షేర్లు (3.3 శాతం వాటా), కాఫీ డే ఎంటర్‌ప్రైజెస్ 10.63 శాతం వాటా) కలిగివున్నాయి. కాఫీ డే ట్రేడింగ్ లిమిటెడ్ 1.05 కోట్ల షేర్లు (6.45 శాతం) వాటా కలిగివున్నాయి. మైండ్‌ట్రీ ప్రమోటర్లు సుబ్రొతో బాగ్చీ, కృష్ణకుమార్ నటరాజన్, ఎన్‌ఎస్ పార్థసారధి, రొస్టోవ్ రావణన్ 13 శాతం వాటాలు కలిగివున్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.