బిజినెస్
సీఎన్‌జీ వాహనాల వినియోగంలో ఢిల్లీ ఫస్ట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 27: సీఎన్‌జీ వాహనాలను వినియోగించడంలో ఢిల్లీ దేశంలోనే అగ్రస్థానాన్ని ఆక్రమించింది. ఈనెల ఒకటవ తేదీనాటి గణాంకాల ప్రకారం ఈ రాష్ట్రంలోలో 10,58,111 సీఎన్‌జీ వాహనాలు ఉన్నాయి. పదిలక్షల వాహనాల మైలురాయిని అధిగమించిన తొలి రాష్ట్రం కూడా ఢిల్లీ కావడం విశేషం. రాష్ట్ర రాజధానిసహా ఎన్నో నగరాలు, పట్టణాలు తీవ్రమైన కాలుష్య సమస్యతో అల్లాడుతున్న విషయం తెలిసిందే. పర్యావరణాన్ని పరిరక్షించి, ఢిల్లీని కాలుష్య సమస్య నుంచి తప్పించడానికి అటు సుప్రీం కోర్టు, ఇటు రాష్ట్ర ప్రభుత్వం ఎన్నో చర్యలు తీసుకుంటున్నది. అందులో భాగంగానే సంపీడన సహజ వాయువు (కంప్రెస్డ్ నేచురల్ గ్యాస్/ సీఎన్‌జీ) వాహనాలను ప్రోత్సహించాయి. కాలుష్యానికి కారణమైన అంశాలను గుర్తించి, పరిష్కార మార్గాలను అనే్వషిస్తున్నాయి. ఈ కారణంగానే ఢిల్లీలో సీఎన్‌జీ వాహనాల వినియోగం ఇటీవల కాలంగా గణనీయంగా పెరిగి, అగ్రస్థానానికి చేరింది. మహారాష్ట్ర 8,89,921 వాహనాలతో రెండో స్థానంలో ఉంటే, గుజరాత్ 8,85,049 వాహనాలను కలిగి ఉండడం ద్వారా మూడో స్థానంలో ఉంది. హర్యానా (1,55,502 వాహనాలు), ఉత్తరప్రదేశ్ (1,49,180 వాహనాలు), మధ్యప్రదేశ్ (35,479 వాహనాలు) వరుసగా నాలుగు, ఐదు, ఆరు స్థానాలను ఆక్రమించాయి. కాగా, ఉభయ తెలుగు రాష్ట్రాలకు ఈ జాబితాలో ఏడు, ఎనిమిది స్థానాలు దక్కాయి. తెలంగాణ 24,630 వాహనాలతో ఆంధ్రప్రదేశ్ కంటే ఒక అడుగు ముందుంది. ఏపీలో 19,572 సీఎన్‌జీ వాహనాలు ఉన్నాయి. ‘టాప్-10’ జాబితాలో త్రిపుర (11,263 వాహనాలు), రాజస్థాన్ (8,108 వాహనాలు) తొమ్మిది, పది స్థానాలను సంపాదించాయి.
సీఎన్‌జీ ‘టాప్-10’ రాష్ట్రాలివే..
1. ఢిల్లీ, 2. మహారాష్ట్ర, 3. గుజరాత్, 4. హర్యానా, 5. ఉత్తర ప్రదేశ్, 6. మధ్యప్రదేశ్, 7. తెలంగాణ, 8. ఆంధ్రప్రదేశ్, 9. త్రిపుర, 10. రాజస్థాన్.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.