బిజినెస్
చివరలో అమ్మకాల ఒత్తిడి
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 13: దేశీయ స్టాక్ మార్కెట్లు బుధవారం కూడా బలహీనపడ్డాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ వరుసగా అయిదో సెషన్ బుధవారం వంద పాయింట్లకు పైగా పడిపోయింది. మదుపరులు బ్యాంకింగ్, వాహన, లోహ, ఫార్మా షేర్లలో సెషన్ చివరి గంటలో లాభాల స్వీకరణకు పూనుకోవడం వల్ల ఆరంభంలో ఆర్జించిన లాభాలను నిలబెట్టుకోలేక పోయింది. దేశీయ సంస్థాగత మదుపరులు (డీఐఐలు), విదేశీ సంస్థాగత మదుపరులు (ఎఫ్‌ఐఐలు) తగిన మోతాదులో అమ్మకాలకు పూనుకోవడం కూడా మార్కెట్ సెంటిమెంట్‌ను దెబ్బతీసిందని బ్రోకర్లు చెప్పారు. బీఎస్‌ఈ సెనె్సక్స్ బుధవారం 36,279.63 పాయింట్ల అధిక స్థాయి వద్ద ప్రారంభమయి, తరువాత మరింత ముందుకు సాగుతూ 36,375.80 పాయింట్ల గరిష్ఠ స్థాయిని తాకింది. ఆహార వస్తువుల ధరల తగ్గుదల కొనసాగడం వల్ల చిల్లర ద్రవ్యోల్బణం 19 నెలల కనిష్ఠ స్థాయికి పడిపోవడం వంటి సానుకూల స్థూలార్థిక సంకేతాల గణాంకాలతో పాటు ఆసియన్ మార్కెట్ల నుంచి అందిన సానుకూల సంకేతాల కారణంగా ఈ సూచీ పుంజుకుంది. అయితే, సెషన్ చివరలో మదుపరులు లాభాల స్వీకరణకు పూనుకోవడం వల్ల ఈ సూచీ 35,962.79 పాయింట్ల కనిష్ఠ స్థాయికి దిగజారింది. చివరకు ఈ సూచీ క్రితం ముగింపుతో పోలిస్తే 119.51 పాయింట్ల (0.33 శాతం) దిగువన 36,034.11 పాయింట్ల వద్ద ముగిసింది. ఈ సూచీ క్రితం నాలుగు సెషన్లలో కలిసి 720 పాయింట్లకు పైగా పడిపోయింది.
నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ క్రితం ముగింపుతో పోలిస్తే బుధవారం 37.75 పాయింట్ల (0.35 శాతం) దిగువన 10,793.65 పాయింట్ల వద్ద స్థిరపడింది. అంతకు ముందు ఈ సూచీ 10,891.65- 10,772.10 పాయింట్ల మధ్య కదలాడింది. రంగాల వారీగా చూస్తే బీఎస్‌ఈ బ్యాంకెక్స్, ఆటో, మెటల్, హెల్త్‌కేర్ సూచీలు 1.1 శాతం వరకు దిగువన ముగిశాయి. బుధవారంనాటి లావాదేవీలలో ప్రధానంగా నష్టపోయిన సంస్థలలో ఓఎన్‌జీసీ, ఎస్‌బీఐ, పవర్‌గ్రిడ్, ఎల్‌అండ్‌టీ, యెస్ బ్యాంక్, ఆసియన్ పెయింట్స్, బజాజ్ ఫైనాన్స్, మారుతి, ఎన్‌టీపీసీ ఉన్నాయి. వీటి షేర్ల విలువ 2.84 శాతం వరకు పడిపోయింది. మరోవైపు, టాటా మోటార్స్, టీసీఎస్, హెచ్‌డీఎఫ్‌సీ, హెచ్‌సీఎల్ టెక్నాలజీస్, ఇన్ఫోసిస్, ఐటీసీ, హెచ్‌డీఎఫ్‌సీ బ్యాంక్, హెచ్‌యూఎల్ సంస్థల షేర్ల ధర 2.18 శాతం వరకు పెరిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.