బిజినెస్
రూ.40,597 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: దేశంలో అతివిలువైన కంపెనీ టాప్‌టెన్ జాబితాలోని మూడు కంపెనీల మార్కెట్ విలువ (ఎంక్యాప్) గతవారం రూ.40,597 కోట్లమేర పెరిగింది. ఇందులో టాటా కన్సల్టెన్సీ సర్వీసెస్ (టీసీఎస్) అత్యధికంగా లాభపడిన సంస్థగా నిలిచింది. మార్కెట్ కేపిటలైజేషన్ (ఎంక్యాప్)లో గడచిన శుక్రవారంతో ముగిసిన వారం రోజుల్లో టాప్‌టెన్ కంపెనీల్లో టీసీఎస్‌తోబాటు హెచ్‌డీఎఫ్‌సీ, ఇన్ఫోసిస్‌లు గణనీయంగా లాభపడ్డాయి. అదే క్రమంలో రిలయన్స్ ఇండస్ట్రీస్ (ఆర్‌ఐఎఎల్), ఐటీసీ, హెయూఎల్, హెచ్‌డీఎఫ్‌సీ, ఎస్‌బీఐ, ఐసీఐసీఐ బ్యాంకు, కోటక్ మహీంద్రా బ్యాంక్‌లు నష్టాలను చవిచూశాయి. నష్టపోయిన ఏడు కంపెనీలకంటే టీసీఎస్, హెచ్‌డీఎఫ్‌సీ, ఇన్ఫోసిస్‌లు రూ.30,758.64 కోట్ల మేర అధికంగా లాభాలను అందుకున్నాయి. టీసీఎస్ ఎంక్యాప్ రూ.19,155.92 కోట్లు లాభపడి మొత్తం విలువ రూ.7,69,782. 96కు చేరింది. హెచ్‌డీఎఫ్‌సీ విలువ సైతం రూ.15,346.61 కోట్లు లాభపడి మొత్తం విలువ రూ.3,54,004.99 కోట్లకు చేరుకుంది. అలాగే ఇన్ఫోసిస్ రూ. 6,094.66 కోట్లు లాభపడి మొత్తం విలువ రూ.3,30,400.44 కోట్లకు ఎగబాకింది. కాగా హిందూస్ధాన్ యూనీలీవర్ (హెచ్‌యూఎల్) విలువ రూ. 10,412.23 కోట్లు తగ్గిపోయి రూ. 3,54,004.99 కోట్లకు దిగివచ్చింది. ఐసీఐసీఐ బ్యాంకు విలువ సుమారు రూ.5,376.90 కోట్లు తగ్గిపోయి మొత్తం విలువ రూ. 2,51,729.21 కోట్లకు దిగివచ్చింది. ఇక రిలయన్స్ ఇండస్ట్రీస్ లిమిటెడ్ (ఆర్‌ఐఎల్) రూ.5,039.26 కోట్లు నష్టపోయి మొత్త విలువ రూ.8,58,956.4 కోట్లకు పడిపోయింది. కాగా ఇక హెచ్‌డీఎఫ్‌సీ బ్యాంక్ విలువ రూ.4,016.88 కోట్ల నుంచి రూ.6,26,837.10 కోట్లకు చేరుకోగా ఎస్‌బీఐ విలువ రూ.3,391.35 కోట్లు నష్టపోయి మొత్త విలువ రూ. 2,82,910 కోట్లకు చేరుకుంది. మరో ప్రభుత్వ రంగ సంస్థ ఐటీసీ సైతం రూ.2,513.02 కోట్లు నష్టపోయి మొత్తం విలువ రూ.3,61,200.58 కోట్లకు దిగింది. అలాగే కోటక్ మహీంద్రా బ్యాంకు విలువ రూ.82.09 కోట్లు నష్టపోయి మొత్తం విలువ రూ.2,54,783.55 కోట్లకు దిగింది. టాప్ ర్యాంకింగ్ ఉన్న సంస్థల్లో ఆర్‌ఐఎల్ అగ్ర స్థానాన్ని ఆక్రమించింది. టీసీఎస్, హెచ్‌డీఎఫ్‌సీ బ్యాంక్, ఐటీసీ, హెచ్‌యూఎల్, హెచ్‌డీఎఫ్‌సీ, ఇన్ఫోసిస్, ఎస్‌బీఐ, కోటక్ మహీంద్రా బ్యాంక్, ఐసీఐసీఐ బ్యాంక్ ఈ వారం తదుపరి స్థానాల్లో నిలిచాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.