బిజినెస్
భారీ నష్టాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 10: బాంబే స్టాక్ ఎక్ఛ్సేంజ్ (బీఎస్‌ఈ), జాతీయ స్టాక్ ఎక్ఛ్సేంజ్ (ఎన్‌ఎస్‌ఈ) బుధవారం భారీ నష్టాలను ఎదుర్కొన్నాయి. బీఎస్‌ఈలో సెనె్సక్స్ 353.87 పాయింట్లు నష్టపోయి 38,585.35 పాయింట్ల వద్ద ముగియగా, ఎన్‌ఎస్‌ఈలో నిఫ్టీ 87.65 పాయింట్లు నష్టపోయి, 11,584.30 పాయింట్లకు పడిపోయింది. భారత ఆర్థికాభివృద్ధి ఈ సంవత్సరానికి 7.3 శాతానికి పడిపోతుందని అంతర్జాతీయ ద్రవ్య నిధి (ఇంటర్నేషనల్ మానిటరీ ఫండ్/ ఐఎంఎఫ్) చేసిన ప్రకటన స్టాక్ మార్కెట్‌పై తీవ్ర ప్రభావం చూపింది. ఆరభంలో మందగొడిగా ప్రారంభమైన బీఎస్‌ఈ లావాదేవీలు ఆతర్వాత వేగంగా నష్టాల్లోకి పడిపోయాయి. ఒకానొక దశలో సెనె్సక్స్ 397 పాయింట్లు పతనమైంది. విదేశీ మదుపరులు అమ్మకాలకు ప్రాధానం ఇవ్వగా, దేశీయ పెట్టుబడిదారులు ఆదుకున్నారు. వారు కొనుగోళ్లవైపు కొంత మొగ్గు చూపడంతో, సెనె్సక్స్ పతనం 0.91 శాతం, నిఫ్టీ 0.75 శాతం నష్టాలను చవిచూశాయి. రుతుపవనాలు వ్యవసాయానికి అనుకూలంగా ఉండకపోవచ్చన్న అనుమానాలతోపాటు, అంతర్జాతీయ మార్కెట్‌లో అనిశ్చితి కొనసాగుతున్నదన్న వార్త కూడా మదుపరులను ఆందోళనకు గురి చేసింది. వృద్ధిరేటు ఈ ఏడాది అంచనాల కంటే తక్కువగా నమోదవుతుందని ఐఎంఎఫ్ అభిప్రాయ పడింది. ఆర్బీఐ కూడా దాదాపు ఇలాంటి అనుమానాలనే వ్యక్తం చేసింది. దీనికితోడు సార్వత్రిక ఎన్నికల ఫలితాలపై ఊహాగానాలు జోరందుకున్నాయి. ఏడు దశల్లో జరిగే లోక్‌సభ ఎన్నికల ప్రక్రియ గురువారం నుంచి ప్రారంభం కానున్న నేపథ్యంలో, పెట్టుబడిదారులు ఆచితూచి వ్యవహరిస్తున్నారు. దూకుడుగా ముందుకు వెళితే, నష్టాలను ఎదుర్కొనే ప్రమాదం ఉందని అనుమానిస్తున్నారు.
ఈ కారణంగానే, పెట్టుబడులకు స్టాక్ మార్కెట్ కంటే బులియన్ మార్కెట్ మేలన్న అభిప్రాయం వ్యక్తమవుతున్నది. మొత్తం మీద అంతర్జాతీయ పరిణామాలను, దేశంలో జరగబోయే సార్వత్రిక ఎన్నికల ప్రక్రియను విదేశీ సంస్థాగత మదుపరులు జాగ్రత్త గమనిస్తూ, షేర్ల కొనుగోళ్లకు సుముఖత వ్యక్తం చేయలేదు. ఫలితంగా బుధవారం స్టాక్ మార్కెట్‌కు భారీ నష్టం తప్పలేదు. హెచ్‌డీఎఫ్‌సీ బ్యాంక్ షేర్లు 2.07 శాతం నష్టాల్లో ట్రేడయ్యాయి. భారతీ ఎయిర్‌టెల్, ఏషియన్ పెయింట్స్, టీసీఎస్, హెచ్‌సీఎల్ టెక్, టాటా స్టీల్, ఎస్‌బీఐ, ఇండస్‌ఇండ్ బ్యాంక్, హీరో మోటోకార్ప్ కంపెనీలకు చెందిన షేర్లు సగటున 3.28 శాతం నష్టాలను చవిచూశాయి. అయితే, టాటా మోటార్స్, హెచ్‌యూఎల్, కోటక్ బ్యాంక్, కోల్ ఇండియా, సన్ ఫార్మా, మహీంద్ర అండ్ మహీంద్ర, బజాజ్ ఆటో, ఓఎన్‌జీసీ షేర్లు ప్రతికూల పరిస్థితుల్లోనూ లాభాలను సంపాదించాయి. వీటి షేర్ విలువ సగటున 4.68 శాతం పెరగడం విశేషం.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.