బిజినెస్
జీఎస్‌టీలో మరిన్ని సంస్కరణలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 30: దేశంలో వస్తు, సేవల పన్ను (జీఎస్‌టీ)ను ప్రవేశపెట్టి రెండేళ్లు పూర్తయిన సందర్భంగా కేంద్ర ఆర్థిక మంత్రిత్వ శాఖ సోమవారం ఈ పరోక్ష పన్ను వ్యవస్థలో మరిన్ని సంస్కరణలను ప్రకటించనుంది. కొత్త రిటర్న్ వ్యవస్థను ప్రవేశపెట్టడం, క్యాష్ లెడ్జర్ వ్యవస్థను హేతుబద్ధీకరించడం, ఒక సింగిల్ రిఫండ్-డిస్‌బర్సింగ్ యంత్రాంగాన్ని ఏర్పాటు చేయడం వంటివి ఈ సంస్కరణల్లో ఉన్నాయి. ఆర్థిక, కార్పొరేట్ వ్యవహారాల శాఖ సహాయ మంత్రి అనురాగ్ ఠాకూర్ సోమవారం నిర్వహించే కార్యక్రమానికి అధ్యక్షత వహిస్తారని, వివిధ శాఖలకు చెందిన కీలకమయిన కార్యదర్శులు, ఇతర అధికారులు ఈ కార్యక్రమంలో పాల్గొంటారని ఆర్థిక మంత్రిత్వ శాఖ ఆదివారం ఒక ప్రకటనలో వెల్లడించింది. భారత ఆర్థిక వ్యవస్థకు జీఎస్‌టీ అమలు అనేది ఒక ‘గేమ్ చేంజర్’ వంటిదని, సంక్లిష్టమయిన పరోక్ష పన్ను వ్యవస్థ స్థానంలో సరళతరమయిన, పారదర్శకమయిన, టెక్నాలజీ ఊతంతో నడిచే జీఎస్‌టీని ప్రవేశపెట్టడం జరిగిందని ఆ ప్రకటన పేర్కొంది. జీఎస్‌టీలో ఒక కొత్త రిటర్న్ వ్యవస్థను ప్రవేశపెడుతున్నట్టు ఆర్థిక మంత్రిత్వ శాఖ వెల్లడించింది. ఈ కొత్త రిటర్న్ వ్యవస్థ జూలై ఒకటో తేదీ నుంచి ట్రయల్ ప్రాతిపదికన, అక్టోబర్ ఒకటో తేదీ నుంచి పూర్తి స్థాయిలో అమలవుతుందని వివరించింది. ‘చిన్న పన్ను చెల్లింపుదారులకు సహజ్ అండ్ సుగమ్ రిటర్న్స్‌ను ప్రతిపాదించడం జరిగింది’ అని పేర్కొంది. సింగిల్ క్యాష్ లెడ్జర్‌ను ప్రభుత్వం హేతుబద్ధీకరిస్తుందని, గతంలో ఉన్న 20 హెడ్స్‌ను అయిదు ప్రధాన హెడ్స్‌గా విలీనం చేయడం జరుగుతోందని ఆర్థిక మంత్రిత్వ శాఖ తెలిపింది. పన్ను, వడ్డీ, జరిమానా, రుసుము, ఇతర అంశాలకు కలిపి ఒకే క్యాష్ లెడ్జర్ ఉంటుందని వివరించింది. ఒక సింగిల్ రిఫండ్-డిస్‌బర్సింగ్ యంత్రాంగం అమలులోకి వస్తుందని ఆర్థిక మంత్రిత్వ శాఖ ఆ ప్రకటనలో తెలిపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.