బిజినెస్
రిలయన్స్ సరికొత్త ఆఫర్ ‘సప్లై ఆర్ పే’
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 12: గతంలో ప్రకటించిన మేరకు క్షేత్రానుంచి ఉత్పత్తి లక్ష్యాల సాధనలో వెనుకబడిన రిలయన్స్ ఇండస్ట్రీస్ సహజ వాయు ఉత్పత్తికి సంబంధించి కొత్తగా ‘సఫ్లై ఆర్ పే’ ఆఫర్ చేస్తోంది. 2020 సంవత్సరం ద్వితీయార్థం నుంచి ఈ సంస్ధ కొత్త క్షేత్రాల ద్వారా చేపట్టదలచిన ఉత్పత్తి నిర్వహణ నిమిత్తం ఈ ఆఫర్‌ను ప్రకటించడం జరిగింది. ఈమేరకు ఒకవేళ లక్ష్యం మేరకు ఉత్పత్తి చేసి సరఫరా చేయలేకపోతే ఒప్పందం కుదుర్చుకున్న కొనుగోలుదారుడికి అందుకు సంబంధించిన చెల్లింపులు చేస్తామని ఈ ఆఫర్‌లో రిలయన్స్ పేర్కొంది. రిలయన్స్ ఇండస్ట్రీస్‌తోబాటు దాని భాగస్వామి భారత్ పెట్రోలియంకు సంబంధించిన ఇంగ్లండ్ విభాగం ఈ మేరకు ‘నోటీస్ ఇన్వైటింగ్ ఆఫర్’ (ఎన్‌ఐఓ)ను విడుదల చేశాయి. బంగాళాఖాతంలోని కేజీ-డీ6 బ్లాక్‌లోగల ఆర్-సిరీస్‌లోని సహజవాయు క్షేత్రాల నుంచి ఉత్పత్తులు చేసి సరఫరా చేసేందుకు ఈ ఎన్‌ఐఓను విడుదల చేశాయి. ఇలా ఒప్పందం మేరకు సరఫరా చేయలేని పక్షంలోప్రత్యామ్నాయ ఇంధన కొనుగోలుకు సొమ్ము చెల్లించే నిబంధన విధించడం ఇదే ప్రప్రథమని గ్యాస్ విక్రయ, కొనుగోలు ఒప్పందం (జీఎస్‌పీఏ) మేరకు తెలుస్తోంది. గతంలో కేజీ-డీ6 బ్లాక్‌లో ధీరూబాయ్-1, 3, ఎంఏ క్షేత్రాల నుంచి రిలయన్స్ ఇండస్ట్రీస్ దాదాపు 60 మిలియన్ మెట్రిక్ స్టాండర్డ్ క్యూబిక్ మీటర్ల గ్యాస్‌ను ప్రతి రోజూ ఉత్పత్తిచేసి సరఫరా చేసేలా ఎరువులు, విద్యుత్ తదితర వినియోగదారులతో ఒప్పందం కుదుర్చుకుంది. అయితే గడచిన రెండేళ్లలో ఒప్పందం మేరకు గ్యాస్ ఉత్పత్తి లక్ష్యాల సాధనలో రిలయన్స్ వెనుకబడుతోంది. ప్రస్తుతం ఉత్పత్తి కేవలం 1.3 మిలియన్ మెట్రిక్ స్టాండర్డ్ క్యూబిక్ మీటర్ల ఉత్పత్తి మాత్రమే జరుగుతోంది. గత ఎంఏ క్షేత్రంలో ఉత్పత్తి ఆగిపోయింది. కేజీ-డీ6 బ్లాక్‌లో రిలయన్స్ ఇండస్ట్రీస్ ఆర్-క్లస్టర్, శాటిలైట్, ఎంజే క్షేత్రాల్లో మూడు సెట్లలో గ్యాస్ నిక్షేపాలను కనుగొంది. ఈ క్రమంలో సరికొత్త ఆఫర్‌కు ఆ సంస్థ తెరలేపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.