బిజినెస్
ఆర్‌నామ్‌లోని 21.54 శాతం వాటా విక్రయం పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 28: రిలయన్స్ క్యాపిటల్ తన మ్యూచువల్ ఫండ్ విభాగమయిన రిలయన్స్ నిప్పోన్ లైఫ్ అసెట్ మేనేజ్‌మెంట్ (ఆర్‌నామ్)లోని 21.54 శాతం వాటా విక్రయాన్ని పూర్తి చేసింది. జాయింట్ వెంచర్ భాగస్వామి జపాన్‌కు చెందిన నిప్పోన్ లైఫ్ ఇన్సూరెన్స్‌కు రూ. 3,030 కోట్లకు 21.54 శాతం వాటాను విక్రయించినట్టు రిలయన్స్ క్యాపిటల్ ప్రకటించింది. ఆర్‌నామ్‌లో తనకు మిగి లిన రూ. 700 కోట్ల విలువ గల 4.28 శాతం వాటా ను కూడా విక్రయించనున్నట్టు రిలయన్స్ క్యాపిటల్ వెల్లడించింది. అనిల్ అంబానీ నేతృత్వంలోని రిలయన్స్ గ్రూప్‌నకు చెందిన ఆర్థిక సేవల విభాగమే రిలయన్స్ క్యాపిటల్. గతంలో రిలయన్స్ క్యా పిటల్ ఆర్‌నామ్‌లోని తన 17.06 శాతం వాటాను మూడుసార్లు కలిపి మొత్తం రూ. 2,480 కోట్లకు విక్రయించింది. ఆర్‌నామ్‌లోని తన మొత్తం వాటా ను విక్రయించడం ద్వారా సమకూరే రూ. 6,200 కోట్లను రిలయన్స్ క్యాపిటల్ తన రుణాలను తగ్గించుకోవడానికి ఉపయోగించుకోనున్నట్టు శుక్రవారం విడుదల చేసిన ఒక ప్రకటనలో తెలిపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.