బిజినెస్
చివరి క్షణాల్లో అమ్మకాల ఒత్తిడి
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 24: చివరి క్షణాల్లో అమ్మకాల ఒత్తిడి పెరగడంతో మంగళవారం భారత స్టాక్ మార్కెట్లకు నష్టాలు తప్పలేదు. బాంబే స్టాక్ ఎక్ఛ్సేంజ్ (బీఎస్‌ఈ)లో 30 షేర్ సూచీలు ప్రారంభంలో పెరిగినప్పటికీ, లావాదేవీలు చివరి దశకు చేరుకున్నప్పుడు అమ్మకాల ఒత్తిడిని ఎదుర్కొన్నా యి. ఫలితంగా సెనె్సక్స్ 181.40 పాయింట్లు (0.44 శాతం) పతనమై, 41,461.26 పాయింట్లకు చేరింది. అదే విధంగా జాతీయ స్టాక్ ఎక్ఛ్సేంజ్ (ఎన్‌ఎస్‌ఈ) లో నిఫ్టీ కూడా ప్రారంభంలో లాభాల బాటలో నడచినప్పటికీ, చివరికి 48.20 పాయింట్లు (0.39 శాతం) తగ్గి, 12,214.55 పాయింట్ల వద్ద ముగిసింది. సెనె్సక్స్ ప్యాక్‌లో అన్నిటి కంటే హెచ్‌సీఎల్ టెక్ భారీగా నష్టపోయింది. ఆ కంపెనీ షేర్లు 1.80 శాతం తక్కువ ధరలో ట్రేడయ్యాయి. రిలయన్స్ ఇండస్ట్రీస్ (రిల్) షేర్ల విలువ కూడా పతనమైంది. హెచ్‌డీఎఫ్‌సీ బ్యాంక్, టీసీఎస్, టెక్ మహీంద్ర, ఎల్ అండ్ టీ, మారుతి, బజాజ్ ఫైనాన్స్, హెచ్‌డీఎఫ్‌సీ కంపెనీల షేర్లు కూడా నష్టాలను ఎదుర్కొన్నాయి. కాగా, ప్రతికూల పరిస్థితులను సమర్థంగా ఎదుర్కొన్న ఇండస్‌ఇండ్ బ్యాంక్, ఓఎన్‌జీసీ, భారతీ ఎయిర్‌టెల్, హీరో మోటోకార్ప్, ఎన్‌టీపీసీ కంపెనీల షేర్లు లాభాలను ఆర్జించాయి. క్రిస్మస్‌తోపాటు ఈ ఏడాది చివరి సెలవుల నేపథ్యంలో, పెట్టుబడిదారులు మార్కెట్‌పై ఎక్కువగా దృష్టి కేంద్రీకరించలేదు. అంతేగాక, ఈ ఆర్థిక సంవత్సరం మూడో త్రైమాసిక ఫలితాల కోసం కూడా వారు ఎదురుచూడడంతో స్టాక్ మార్కెట్లలో లావాదేవీలు మందగించాయి. అంతేగాక, అమ్మకాల ఒత్తిడి కూడా పెరిగింది. ఆసియా మార్కెట్ల పరిస్థితి మాత్రం మిశ్రమ ఫలితాలను నమోదు చేసింది. షాంఘై, టోక్యో స్టాక్ మార్కెట్లు లాభాలను ఆర్జిస్తే, హాంకాంగ్, సియోల్ మార్కెట్లు నష్టాల్లో ముగిశాయి. ఐరోపా దేశాల్లో మార్కెట్లు లాభాలను సంపాదించాయి. ఇలావుంటే, ఇంట్రా డేలో డాలర్‌కు మారకపు విలువ 71.20 రూపాయలుగా నమోదైంది. అంతర్జాతీయ మార్కెట్‌లో బ్యారెల్ ముడి చముదర ధర 0.08 శాతం పెరిగి, 66.44 డాలర్లకు చేరింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.