బిజినెస్
నష్టాల్లో దేశీయ స్టాక్ మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెబంర్ 26: దేశీయ స్టాక్ మార్కెట్లు వరుసగా మూడోరోజైన గురువారం సైతం నష్టాల బాటలో నడిచాయి. రిలయన్స్ ఇండస్ట్రీస్, హెచ్‌డీఎఫ్‌సీ బ్యాంక్ భారీగా నష్టపోయాయి. డిసెంబర్ డెరివేటివ్ కాంట్రాక్టుల కాలవ్యవధి ముగుస్తుండటంతో మదుపర్లు ఆచితూచి అడుగేసినట్టు విశే్లషకులు అంచనావేస్తున్నారు. బీఎస్‌ఈ 30 షేర్ల సూచీ సెనె్సక్స్ ఇంట్రాడేలో ఏకంగా 328.37 పాయింట్ల దిగువకు జారిపోయింది. అయితే తర్వాత కొంత కోలుకుని చివరిగా 297.50 పాయింట్ల (0.72 శాతం) నష్టంతో 41,163.76 పాయింట్ల దిగువన స్థిరపడింది. ఒడిదుడుకులకు గురైన ఈ సూచీ ఓ దశలో 41,132.89 పాయింట్ల కనిష్టానికి చేరింది. ఇక బ్రాడర్ ఎన్‌ఎస్‌ఈ సూచీ నిఫ్టీ సైతం 88 పాయింట్లు (0.72 శాతం) కోల్పోయి 12,126.55 పాయింట్ల దిగువన స్థిరపడింది. సెనె్సక్స్ ప్యాక్‌లో భారతీ ఎయిర్‌టెల్ అత్యధికంగా 2.23 శాతం నష్టపోయింది. అదే బాటలో రిలయన్స్ ఇండస్ట్రీస్, ఎల్ అండ్ టీ, సన్‌పార్మా, హెచ్‌డీఎఫ్‌సీ బ్యాంక్, మారుతి, టైటాన్, కోటక్ బ్యాంక్ సైతం నష్టాలపాలయ్యాయి. మరోవైపుఓఎన్‌జీసీ, ఎన్‌టీపీసీ, టాటాస్టీల్, బజాజ్ ఫైనాన్స్, ఎం అండ్ ఎం 1.63 శాతం లాభపడ్డాయి. కాగా డిసెంబర్ ఎఫ్ అండ్ ఓ కాంట్రాక్టుల కాలవ్యవధి ముగిసిపోవడంతోబాటు, దేశీయ, అంతర్జాతీయ మార్కెట్లకు ఈ ఏడాది ముగింపులో సెలవులు రావడం కూడా మదుపర్లను ఆచితూచి అడుగేసేలా చేశాయని అంటున్నారు. ఈ ఏడాది కేంద్ర ప్రభుత్వం వివిధ రంగాల నుంచి పెట్టుబడులు వెనక్కు తీసుకోవాలని నిర్ణయించినా ఆ ప్రక్రియ అమలులో జాప్యం చోటుచేసుకుంటోంది. కాగా అంతర్జాతీయంగా వాణిజ్య ఉద్రిక్తతలు తగ్గుముఖం పట్టిన క్రమంలో విదేశీ మార్కెట్లు భద్రత జోన్‌లో ఉన్నాయని ప్రముఖ విశే్లషకుడు వినోద్ నాయర్ తెలిపారు. అలాగే వచ్చే బడ్జెట్ ప్రతిపాదనలపై మదుపర్లు దృష్టిని కేంద్రీకరించారని అంటున్నారు. ఇక రంగాలవారీగా చూస్తే బీఎస్‌ఈలో టెలికాం, ఇంధనం, కేపిటల్ గూడ్స్, బ్యాంకెక్స్, చమురు, సహజ వాయువులు, టెక్, హెల్త్‌కేర్ సూచీలు 1.73 శాతం నష్టపోయాయి. లోహ, వౌలక పరికరాలు 0.66 శాతం లాభాలను సంతరించుకున్నాయి. ఇక బ్రాడర్ బీఎస్‌ఈలో మిడ్‌క్యాప్ 0.13 శాతం, స్మాల్‌క్యాప్ సూచీ మాత్రం 0.38 శాతం నష్టపోయాయి.
లాభాల్లో ఆసియా మార్కెట్లు
ఆసియా ఖండ దేశాల్లో షాంఘై, టోక్యో, సియోల్ లాభాలను సంతరించుకున్నాయి. ఇక అమెరికన్ డాలర్‌తో పోలిస్తే రూపాయి మారకం విలువ గురువారం స్తబ్థుగా మారింది. ఇంట్రాడేలో 71.27గా ట్రేడైంది. ఇక ముడిచమురు ధర అంతర్జాతీయ మార్కెట్లో 0.33 శాతం పెరిగి బ్యారెల్ 67.42 డాలర్ల వంతున ట్రేడైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.