బిజినెస్
మార్కెట్లకు ‘ఫెడ్’ ఊపు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, సెప్టెంబర్ 22: వడ్డీ రేట్లను కొనసాగించాలన్న అమెరికా ఫెడరల్ రిజర్వ్ నిర్ణయంతో అంతర్జాతీయ మార్కెట్లు లాభాలతో ముగిసిన నేపథ్యంలో దేశీయ స్టాక్ మార్కెట్లు గురువారం భారీ లాభాలతో ముగిశాయి. బిఎస్‌ఇ సెనె్సక్స్ 266 పాయింట్లు లాభపడి రెండు వారాల గరిష్ఠ స్థాయి అయిన 28,773.13 పాయింట్ల వద్ద ముగిసింది. జాతీయ స్టాక్ ఎఖ్సచేంజి సూచీ నిఫ్టీ సైతం 90.30 పాయింట్లు లాభపడి మళ్లీ 8,800 పాయింట్ల ఎగువన ముగిసింది. హెచ్‌ఐవి చికిత్సలో ఉపయోగించే డోలుటెగ్రేవిర్ తయారీకి అమెరికా ఔషధ నియంత్రణ మండలినుంచి తాత్కాలిక ఆమోదం లభించిందన్న వార్తతో అరబిందో ఫార్మా షేరు ఏకంగా 6 శాతం పెరిగింది. అయితే రూపాయితో డాలరు విలువ కాస్త బలహీన పడిన నేపథ్యంలో టిసిఎస్, విప్రోలాంటి కొన్ని సాఫ్ట్‌వేర్ ఎగుమతి సంస్థల షేర్లు అమ్మకాల ఒత్తిడిని ఎదుర్కొన్నాయి. సెనె్సక్స్‌లోని 30 కంపెనీల షేర్లలో 23 షేర్లు లాభాలతో ముగిశాయి. అంతర్జాతీయ మార్కెట్లలో చైనా, హాంకాంగ్, దక్షిణ కొరియా, తైవాన్ లాంటి ప్రధాన మార్కెట్ల సూచీలన్నీ కూడా లాభాలతో ముగిశాయి. ఐరోపా మార్కెట్లలో ఫ్రాన్స్, జర్మనీ, బ్రిటన్ సూచీలు సైతం 1.65 శాతం దాకా లాభపడ్డాయి.
మార్కెట్లలోకి ఎల్‌అండ్‌టి టెక్నాలజీ సర్వీసెస్
ఇదిలా ఉండగా ఇటీవల తొలి పబ్లిక్ ఇష్యూ (ఐపిఓ)ను విజయవంతంగా ముగించుకున్న ఎల్‌అండ్‌టి టెక్నాలజీ సర్వీసెస్ శుక్రవారం తొలిసారిగా మార్కెట్లలో ప్రవేశించనుంది. ఈ నెల 12-15 తేదీల మధ్య మార్కెట్లోకి వచ్చిన ఈ కంపెనీ ఐపిఓ 2.53 రెట్లు ఓవర్ సబ్‌స్క్రైబ్ అయిన విషయం తెలిసిందే. ఐపిఓలో కంపెనీ షేరు ధరను రూ. 250-260 మధ్య నిర్ణయించిన విషయం తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.